کندھ کوٹ میں ٹیچر کے قتل کا مقدمہ درج

بدھ 20 مارچ 2024 23:23

کندھ کوٹ (اُردو پوائنٹ اخبارتازہ ترین - این این آئی۔ 20 مارچ2024ء) کندھ کوٹ میں پرائمری اسکول ٹیچر کے قتل کا مقدمہ کرم پور تھانے میں درج کرلیا گیا۔ مقتول اللّٰہ رکھیو کے بھائی مولا بخش کے مدعیت میں درج کیا گیا ہے، دہشت گردی کی دفعات کے تحت درج کیے گئے مقدمے میں 5 نامزد سمیت 7 ملزمان شامل ہیں، جن کی تلاش جاری ہے۔پرائمری ٹیچراللّٰہ رکھیو نندوانی کے قتل کا کوئی ملزم تاحال گرفتار نہیں ہو سکا ہے، پولیس کے مطابق ٹیچر کے قتل میں ڈاکو صدام نندوانی کا گینگ ملوث ہے، پرائمری اسکول ٹیچر اور نندوانی گروپ کے درمیان دشمنی تھی۔

(جاری ہے)

پولیس حکام کے مطابق ٹیچر کے قتل کے بعد پولیس کے کے دور ان پولیس اور ڈاکوئوں کے درمیان فائرنگ کا تبادلہ ہوا ہے۔دوسری طرف کندھ کوٹ کے کچے میں مغویوں کی بازیابی کیلئے پولیس نے آپریشن کیا ہے۔پولیس حکام کے مطابق آپریشن میں بنگلانی گینگ کا اہم کارندہ شریف بنگلانی مارا گیا جبکہ ایک ڈاکو زخمی ہوا ہے۔پولیس کے مطابق ہلاک ڈاکو کی لاش پولیس کی تحویل میں ہے جبکہ زخمی ڈاکو کو ساتھی لے کر فرار ہوگئے ہیں۔پولیس کے آپریشن کے دوران ڈاکوئوں کے متعدد ٹھکانے تباہ کردیے گئے جبکہ متعدد مشتبہ افراد زیرِ حراست ہیں۔