تربت،یوتھ ایکشن کمیٹی کیچ کے زیراہتمام آغازحقوق بلوچستان پروگرام کے تحت ایچ ای سی کی اوورسیزاسکالرشپ فار ایم فل اورپی ایچ ڈی کے حوالے سے آگہی سیشن کااہتمام

ہفتہ 5 جنوری 2019 21:06

تربت(اُردو پوائنٹ اخبارتازہ ترین - آن لائن۔ 05 جنوری2019ء) یوتھ ایکشن کمیٹی کیچ کے زیراہتمام ایس پی او ہال تربت میں آغازحقوق بلوچستان پروگرام کے تحت ایچ ای سی کی اوورسیزاسکالرشپ فار ایم فل اورپی ایچ ڈی کے حوالے سے آگہی سیشن کااہتمام کیاگیا ایچ ای سی کے اسکالرشپ حاصل کرنے والے ڈاکٹرجہیندابراہیم نے طلبہ وطالبات کو لیکچردیتے ہوئے کہاکہ آغازحقوق بلوچستان پیکیج کے تحت بلوچستان کے طلبہ وطالبات کو بیرون ممالک پڑھنے کیلئے ایچ ای سی اسکالرشپ فراہم کررہاہے نوجوان ایچ ای سی کے ویب سائیٹ پرجاکرآن لائن اپنافارم جمع کریں تاکہ بلوچستان کے نوجوان طبقہ زیادہ سے زیادہ اعلی تعلیم حاصل کرکے اپنے ملک وقوم کانام روشن کرسکیں پروگرام کے آرگنائزر یوتھ ایکشن کمیٹی کیچ کی چیئرپرسن زرگل زبیررندنے کہاکہ بلوچستان بلخصوص مکران کے طلبہ وطالبات اسکالرشپ کے تحت پڑھنا چاہتے ہیں لیکن انہیں طریقہ کارمعلوم نہیں اسلئے ضلع گوادرکے کچھ اسکالرشپ خالی گئے ہیں کیونکہ شعوراورآگہی نہ ہونے کی وجہ سے گوادرکے اسٹوڈنٹس نے اسکالرشپ کیلئے اپلائی نہیں کیاتھا۔

(جاری ہے)

انہوں نے کہاکہ یوتھ ایکشن کمیٹی ایچ ای سی سے رابطہ کریگی کہ ایچ ای سی کے ویب سائیٹ پر ہارڈ کاپی فارم ہو ناچاہئے تاکہ بلوچستان کے لوگوں کیلئے آسانی ہو۔