آئی سی سی نئے فیوچر ٹور پروگرام کے تحت پاکستان بھارت کے درمیان سیریز متوقع ہے نجم سیٹھی

لاہور (اُردو پوائنٹ اخبارتازہ ترین - آن لائن۔ 30 ستمبر2017ء) پاکستان کرکٹ بورڈ کے چیئرمین نجم سیٹھی نے دعوی کیا ہے کہ انٹر نیشنل کرکٹ کونسل کے نئے فیوچر ٹور پروگرام کے تحت روایتی حریفوں پاکستان اور بھارت کے درمیان سیریز متوقع ہے اور اس حوالے سے وہ 9 اکتوبر کو آک لینڈ میں ایک میٹنگ میں بھی شرکت کریں گے ۔

(جاری ہے)

اس سے قبل پاکستان کرکٹ بورڈ نے بی سی سی آئی پر معاہدے کے باوجود سیریز نہ کھیلنے پر کیس بھی کر رکھا ہے۔

پاکستان کرکٹ بورڈ کی جانب سے بارہا بھارتی بورڈ سے ایم او یو پر عمل کرنے کو کہا گیا تاہم بھارتی بورڈ اس حوالے سے تذبذب کا شکار رہا۔ذرائع کے مطابق پاکستان میں کرکٹ کے کامیاب انعقاد سے اس بات کو تقویت ملتی ہے کہ شائقین آئندہ پاکستان اور بھارت کی ٹیموں کے مابین میچز دیکھ سکیں گے۔۔