- Home
- Sports
- News
- ڈبلن ٹیسٹ کا تیسرا روز، کھانے کے وقفے پر آئرلینڈ نے 3 وکٹوں کے نقصان پر 5 رنز بنا لئے۔۔ پاکستان ..
ڈبلن ٹیسٹ کا تیسرا روز، کھانے کے وقفے پر آئرلینڈ نے 3 وکٹوں کے نقصان پر 5 رنز بنا لئے۔۔ پاکستان نے 9وکٹوں کے نقصان پر310رنز بنا کر اننگز ڈکلیئر کردی
فہد شبیر اتوار 13 مئی 2018 17:16
ڈبلن(اردو پوائنٹ تازہ ترین اخبار۔13مئی 2018ئ) آئرلینڈ کے خلاف تاریخی ٹیسٹ میں پاکستان نے 9وکٹوں پر 310رنز سکورکرکے اننگز ڈکلیئر کردی، کھانے کے وقفے پر آئر لینڈ کی ٹیم 5رنز پر 3 وکٹیں کھو چکی ہے ۔ٹیسٹ کے تیسرے روز پاکستان نے 268رنز 6وکٹوں کے نقصان پر اننگز دوبارہ شروع کی تو شاداب خان 55رنز بنا کر مرتاغ کی گیند پر ایل بی ڈبلیو ہوگئے ، ری پلیز میں گیند لیگ سٹمپ سے باہر جاتی دکھائی دے رہی تھی، قومی ٹیم کے آل راﺅنڈر فہیم اشرف سنچری کی جانب گامزن تھے جب 83رنز پر سٹورٹ تھامسن کی شاندار گیند نے ان کی اننگز کا اختتام کردیا،محمد عامر بھی 13رنز بنا کر مرتاغ کی گیند پر پوویلین لوٹ گئے 310کے سکور پر پاکستان نے اننگز ڈکلیئر کردی، آئرش ٹیم کا آغاز اچھا نہیں رہا اور محمد عباس نے پہلے ایڈ جوائس کو 4رنز پر ایل بی ڈبلیو کیا اور پھر بالبرائن کو بھی کسی سکور کے بغیر اسی طریقے سے پوویلین بھیجا، محمد عامر نے اگلے اوور میں آئرش کپتان ولیم پورٹ فیلڈ کو بولڈ کرکے پاکستان کو تیسری کامیابی دلائی اوراسی وقت کھانے کا وقفہ ہوگیا ۔
پاکستان کی جانب سے اظہر علی اور امام الحق نے اننگ کا آغاز کیا لیکن 13 کے مجموعی سکور پر اظہر علی 4 رنز بنا کر پویلین لوٹ گئے۔پہلا ٹیسٹ میچ کھیلنے والے امام الحق بھی ون ڈے ڈیبیو کی طرح بڑی اننگ کھیلنے میں ناکام رہے اور 13 ہی کے مجموعی سکور پر 7 رنز بنا کر ایل بی ڈبلیو ہو گئے۔دونوں ابتدائی بلے بازوں کے جلد آو¿ٹ ہونے کے بعد حارث سہیل اور اسد شفیق نے محتاط انداز سے ٹیم کا سکور آگے بڑھایا لیکن کھانے کے وقفے کے بعد جلد ہی حارث سہیل 31 کے انفرادی سکور پر ہمت ہار گئے۔بابر اعظم بھی 14 رنز بنا کر پویلین لوٹ گئے جب کہ اسد شفیق اپنی 19 ویں ٹیسٹ نصف سنچری بنانے کے بعد 62 رنز بنا کر آﺅٹ ہوئے۔قومی ٹیم کے کپتان سرفراز احمد بھی باہر جاتی گیند کو کھیلنے کی کوشش میں سلپ میں کیچ آﺅٹ ہو گئے، انہوں نے 20 رنز کی اننگز کھیلی۔شاداب خان اور فہیم اشرف نے چائے کے وقفے تک آئرش باﺅلرز کو مزید کوئی وکٹ لینے نہ دی ، شاداب خان اور فہیم اشرف نے ساتویں وکٹ کیلئے 109رنز کا اضافہ کیا تھا جب خراب روشنی کے باعث کھیل روک دیا گیا ، شاداب52اور فہیم61رنز کے ساتھ کریز پر موجود تھے۔اس سے قبل ٹیسٹ کے دوسرے روز آئرلینڈ نے پاکستان کے خلاف ٹاس جیت کر فیلڈنگ کا فیصلہ کیا۔اس موقع پر آئرلینڈ کے کپتان پورٹر فیلڈ کا کہنا تھا کہ ہمارے لیے آج بہت بڑا دن ہے۔دوسری جانب قومی ٹیم کے کپتان سرفراز احمد کا کہنا تھا کہ تایخی ٹیسٹ کا حصہ بننا ہمارے لیے فخر کی بات ہے۔ان کا مزید کہنا تھا کہ پاکستان ٹیم پانچ باﺅلرز کے ساتھ میدان میں اترے گی۔واضح رہے کہ یہ ٹیسٹ امام الحق اور فہیم اشرف کے لیے بھی اس لحاظ سے اہم ہے کہ یہ دونوں ٹیسٹ ڈیبیو کرنے جارہے ہیں، جنہیں پی سی بی کے سربراہ نجم سیٹھی نے ٹیسٹ کیپ پہنائی۔ گذشتہ روز آئرلینڈ اور پاکستان کے درمیان تاریخی ٹیسٹ کا پہلا روز بارش کی نذر ہوگیا تھا اور ٹاس بھی نہیں ہوسکا تھا۔یاد رہے کہ محکمہ موسمیات نے 11 مئی سے 14 مئی تک ڈبلن میں بارش کی پیشگوئی کی ہے، جس سے میچ کے متاثر ہونے اور آئرلینڈ کرکٹ بورڈ کو بھاری خسارے کا خدشہ ہے۔
(جاری ہے)
وقت اشاعت : 13/05/2018 - 17:16:44
مزید متعلقہ خبریں پڑھئیے :
Pakistan tour of Ireland 2024
Pakistan tour of England 2024
ICC Men's T20 World Cup 2024
Browse Cricket
Browse Sports
Sports News In Urdu
-
ایس اے ایف نیشنل فزیکل ڈس ایبلٹی ٹی20کرکٹ،ملتان اور کوئٹہ کی فتح
-
ٹی ٹوئنٹی ورلڈکپ کیلئے قومی کرکٹ ٹیم کی کٹ کی رونمائی کر دی گئی
-
بھارتی ویمنز کرکٹ ٹیم نے بنگلہ دیش کو چوتھے ٹی ٹونٹی میچ میں شکست دیدی ، سیریز میں 0-4 کی فیصلہ کن برتری
-
کراچی ، ایچ کے انٹر یونیورسٹی والی بال ٹورنامنٹ کا آغاز
-
رحمان میڈیکل انسٹیٹیوٹ میں دوسرا آر ایم ائی سپورٹس گالا شروع
-
خیبرپختونخوا لکبیر کلب کراٹے چمپئن شپ صافی واریئرز مارشل آرٹس اکیڈمی نے جیت لی