عمران خان کی کامیابی ،پاک بھارت کرکٹ تعلقات بحالی کی امید کا دیا روشن
باہمی سیریز شروع کروانے کےلئے ماحول پیدا کرسکتے ہیں :بھارتی اخبار
ذیشان مہتاب پیر 30 جولائی 2018 13:39
ممبئی(اردو پوائنٹ تازہ ترین اخبار۔30جولائی 2018 ء) پاکستان کے عام انتخابات میں پاکستان تحریک انصاف کی فتح اور عمران خان کی متوقع آئندہ حکومت کو ابھی سے بھارتی کرکٹ حلقے مثبت انداز سے دیکھ رہے ہیں۔ معروف بھارتی روزنامے کے مطابق سابق کرکٹ کپتان کو اسٹیبلشمنٹ کی بھرپور حمایت حاصل ہے، امید کی جاسکتی ہے کہ دونوں ممالک کے تعلقات میں بہتری آئےگی۔ اخبار اداریہ میں لکھتا ہے کہ عمران کئی بار کرکٹ میچز کیلئے بھارت آچکے ہیں، وہ اچھی طرح بھارت سے واقف ہیں، اس لیے دیگر امور کےساتھ دو کرکٹ کیلئے کے آغاز کیلئے بہتر ماحول تخلیق کرسکیں گے۔ پاکستان اور بھارت میں سیاسی وجوہ کی بنا پر مراسم پر بہت برے اثرات پڑے ہیں جبکہ دوطرفہ کرکٹ کے منقطع ہونے سے بھی صورتحال بہتر نہیں ہوئی ہے۔
عمران خان ماضی میں بارہا کرکٹ سیریز کی بحال کی وکالت کرچکے ہیں ، البتہ وہ اب اس پوزیشن میں ہیں کہ اس بارے میں حتمی اقدامات کرسکیں۔ اس بات پاکستان اور بھارت کے کرکٹ شائقین شدت سے منتظر ہیں۔ اس نقطے پر اخبار نے بہتر تعلقات کے نئے سرے سے آغاز کے امید کرتے ہوئے تحریر ختم کی ہے لیکن یہ بات فراموش کردی ہے کہ موجودہ بھارتی حکومت ہی دراصل کرکٹ کی راہ میں حائل ہے۔ بھارتی کرکٹ بورڈ پاکستان سے سیریز کھیلنے کا معاہدہ کیے ہوئے ہے لیکن ہر بار حکومت سے اجازت لینے کا کہہ کر پیچھے ہٹ جاتا ہے۔ جب کہ پاکستان کرکٹ بورڈ نے روایتی حریف کے خلاف کہیں بھی کھیلنے کا عندیہ دے چکا ہے۔ ایک اور سابق بھارتی کپتان اور کانگریس لیڈر اظہر الدین نے کہا ہے کہ کرکٹ ٹیم کی قیادت اور ملک کی قیادت کرنا دو مختلف چیزیں ہیں، عمران خان کا کرکٹ سے سیاست میں آنا مثبت عمل ہے ، ان کیلئے ملک کی قیادت کرنا کوئی پھولوں کی سیج نہیں ہے۔ کرکٹ کے میدان میں بطور کپتان ان کا فیصلہ بہت مثبت، بہت بولڈ ہو تا تھا۔ ہمیں فی الوقت اس وقت کا انتظار کرنا چاہیئے کہ آگے کیا ہو تا ہے۔ پاک بھارت تعلقات کے حوالے سے ان کا کہنا تھا کہ عمران خان کو ہمسایہ ممالک کے درمیان کشید گی کو کم کرانے کی یقین دہانی کروانی ہو گی۔ علاوہ ازیں پاکستان کرکٹ ٹیم کے سابق کپتان، منیجر اور ورلڈکپ 1992ءکی عالمی چیمپئن ٹیم کے کوچ انتخاب عالم نے بھی یقین ظاہر کیا ہے کہ عمران خان کی الیکشن میں کامیابی پاکستان اور بھارت کرکٹ تعلقات کیلئے بہت بہتر ثابت ہوگی۔ مجھے کوئی شبہ نہیں کہ وہ اس بارے میں بھرپور کوشش کریں گے،عمران خان فائٹر ہیں،ورلڈکپ 1992 ءکے دوران وہ صرف 70 فیصد فٹ تھے لیکن انہوں نے عزم و ہمت سے کامیابی حاصل کی۔
(جاری ہے)
وقت اشاعت : 30/07/2018 - 13:39:13
مزید متعلقہ خبریں پڑھئیے :
Pakistan tour of Ireland 2024
Pakistan tour of England 2024
ICC Men's T20 World Cup 2024
Browse Cricket
Browse Sports
Sports News In Urdu
-
آئرلینڈ اور پاکستان کی کرکٹ ٹیموں کے درمیان پہلا ٹی ٹونٹی میچ (کل) کھیلا جائے گا
-
پاکستان 13 سال بعد اذلان شاہ ہاکی ٹورنامنٹ کے فائنل میں پہنچ گیا
-
پی سی بی انٹر کلب کرکٹ ٹورنامنٹ زون سات کا افتتاح
-
پی سی بی انٹرکلب کرکٹ ٹورنامنٹ زون سات کا افتتاح
-
دورہ آئرلینڈ؛ محمد عامر تاحال ویزے سے محروم
-
پی ایس ایل کی سابق چیمپئین ٹیم نے پشاور میں میچز کروانے کا مطالبہ کردیا