لاہور قلندرز نے ابوظہبی ٹی ٹوئنٹی کپ جیت لیا

ممبئی(اردو پوائنٹ تازہ ترین اخبار-07 اکتوبر 2018) :لاہور قلندرز نے ابوظہبی ٹی ٹوئنٹی کپ جیت لیا ۔ لاہورقلندرزنےملٹی پلائی ٹائٹنزکوشکست دیدی۔تفصیلات کے مطابق ابوظہبی ٹی ٹوئنٹی کپ 2018 کرکٹ کا ایک ایسا منفرد ٹورنامنٹ تھا جس میں دنیا کی پانچ بہترین ڈومیسٹک کرکٹ ٹیموں کو مدعو کیا گیا تھا۔آج اس ایونٹ کا فائنل شیخ زید اسٹیڈدیم میں ہوا، جس میں لاہور قلندرز کا مقابلہ ملٹی پلائی ٹائٹنز سے ہوا۔

(جاری ہے)

لاہور قلندر نے ٹاس جیتنے کے بعد پہلے بیٹنگ کا فیصلہ کیا جس کے نتیجے میں لاہور قلندرز نے شاندار اننگ کھیلتے ہوئے ملٹی پلائی ٹائٹنز کو 148 رنز کا ٹارگٹ دیا۔سہیل اختر نے شاندار کارکردگی کا مظاہرہ کرتے ہوئے 56 رنز کی سب سے بڑی اننگ کھیلی جبکہ برسینن اور پائزڈان نے 2,2 وکٹیں لیں۔دوسری جانب بیٹنگ کرتے ہوئے ملٹی پلائی ٹائٹنز نے بھی عمدہ کھیل کا مظاہرہ کیا لیکن وہ لاہور قلندرز کے باولرز کا سامنا نہ کرسکی۔

149رنزکےہدف کےتعاقب میں ملٹی پلائی ٹائٹنز6وکٹوں پر133رنزبناسکی اور یوں لاہور قلندر نے یہ میچ جیت کر ٹائٹل اپنے نام کرلیا۔