محمد عامر سے کیسے نمٹا جائے؟ ٹنڈولکر کا بھارتی بلے بازوں کو مشورہ
بلے باز پاکستانی پیسر کیخلاف جارحانہ انداز اپنائیں: لیجنڈری کرکٹر
ذیشان مہتاب ہفتہ 15 جون 2019 11:05
ممبئی(اردو پوائنٹ اخبارتازہ ترین۔15جون2019ء) سابق عظیم بھارتی بلے باز سچن ٹنڈولکر نے پاکستان کےخلاف ورلڈ کپ میچ کےلئے بھارتی بلے بازوں کو محمد عامر کےخلاف جارحانہ انداز اپنانے کا مشورہ دیا ہے۔ورلڈ کپ کا سب سے بڑا میچ اتوار کو روایتی حریفوں پاکستان اور بھارت کی ٹیموں کے درمیان مانچسٹر میں کھیلا جائےگا۔واضح رہے کہ ورلڈ کپ میں پاکستانی ٹیم کا روایتی حریف کے خلاف ریکارڈ انتہائی ناقص ہے جہاں اسے بھارت کےخلاف ورلڈ کپ کے تمام 6میچوں میں ناکامی کا منہ دیکھنا پڑا۔میچ سے قبل پاکستانی ٹیم کےلئے واحد اچھی خبر فاسٹ باﺅلر محمد عامر کی فارم میں واپسی ہے جنہوں نے آسٹریلیا کےخلاف عمدہ باﺅلنگ کرتے ہوئے 30رنز کے عوض 5وکٹیں لی تھیں۔سچن ٹنڈولکر نے میچ کے لیے بھارتی کھلاڑیوں کو مشورہ دیتے ہوئے کہا کہ وہ عامر کےخلاف منفی سوچ سے نہ جائیں اور ڈاٹ گیندیں نہ کھیلیں، کھلاڑی مثبت سوچ رکھیں اور موقع ملنے پر اپنے شاٹس کھیلیں۔
انہوں نے بھارتی بلے بازوں کو مشورہ دیا کہ وہ کچھ بھی مختلف کرنے کی کوشش نہ کریں اور مثبت انداز میں اپنا دفاع کریں اور تمام شعبوں میں جارحانہ کھیل پیش کریں۔انٹرنیشنل کرکٹ میں سب سے زیادہ رنز بنانےوالے بلے باز کا ماننا ہے کہ پاکستانی ٹیم بھارت کے خلاف میچ میں روہت شرما اور ویرات کوہلی کو ہدف بنائے گی۔واضح رہے کہ بھارتی بیٹنگ لائن کا انحصار عموماً اپنے ابتدائی تین بلے بازوں شیکھر دھاون، روہت شرما اور ویرات کوہلی پر ہوتا ہے لیکن دھاون انجری کے سبب ورلڈ کپ میں آئندہ چند میچوں میں بھارتی ٹیم کو دستیاب نہیں ہوں گے لہٰذا ایسے میں روہت شرما اور کوہلی پر ہی اصل دباو¿ ہو گا۔ٹنڈولکر نے کہا کہ روہت اور کوہلی بھارت کے سب سے تجربہ کار بلے باز ہیں اور اس میں کوئی شک نہیں کہ پاکستانی ٹیم انہی دونوں کھلاڑیوں ہدف بنائے گی کیونکہ اس سے میچ میں ان کی جیت کا امکان پیدا ہو جائےگا۔
(جاری ہے)
وقت اشاعت : 15/06/2019 - 11:05:29
مزید متعلقہ خبریں پڑھئیے :
New Zealand tour of Pakistan
ICC Men's T20 World Cup 2024
Browse Cricket
Browse Sports
Sports News In Urdu
-
انٹرنیشنل کراٹے چمپئن شاہ زیب رند کی ڈپٹی سپیکر بلوچستان اسمبلی سے ملاقات
-
پہلا ویمنز ٹی ٹوئنٹی انٹرنیشنل، ویسٹ انڈیز نے پاکستان کو ایک رن سے ہرادیا
-
ہلال احمرپاکستان کی خدمات اور جذبہ خیر سگالی قابل ستائش ہے،مراکشی سفیر
-
وزیراعلیٰ پنجاب پنک گیمز کے کامیاب انعقاد کیلئی9 انتظامی کمیٹیاں تشکیل
-
ڈی جی سپورٹس پرویز اقبال کی زیر صدارت پہلی وزیراعلیٰ پنجاب پنک گیمز 2024کے حوالے سے اہم اجلاس
-
آئی پی ایل، پنجاب کنگز کی کولکتہ نائٹ رائیڈرز کے خلاف تاریخی فتح، 262 رنز کا بڑا ہدف 2 وکٹوں کے نقصان پر حاصل کرلیا