ٹوکیو اولمپکس2020 ء،ہاکی میں پاک بھارت ٹاکرے کا امکان روشن

لاہور (اردو پوائنٹ تازہ ترین اخبار۔ 31 اگست2019ء) آئندہ سال جاپان کے دارلحکومت ٹوکیو میں ہونے والے اولمپکس میں پاکستان اور بھارت کی ہاکی ٹیموں کا میچ ہونے کا قوی امکان ہے۔

(جاری ہے)

میگا ایونٹ میں عالمی رینکنگ میں نمبر ایک، دو اور تین کی ٹیموں کو 12ویں سے 14ویں پوزیشن کے حامل سائیڈز کے مقابل ہونا ہے، 8مرتبہ کی اولمپک چیمپئن بھارتی ٹیم اس وقت پانچویں اور 1960ء،1968ءاور1984ءمیں اولمپک گولڈ میڈل جیتنے والا پاکستان 12ویں نمبر پر ہے،بلیو شرٹس کے ستمبر میں جن ٹیموں کیساتھ اوشیانا کپ کے میچز شیڈول ہیں، ان کو دیکھتے ہوئے رینکنگ میں تیسری پوزیشن تک پہنچنے کا امکان ہے،اس صورت میں پاکستان کے ساتھ ٹاکرا بھی ممکن ہوجائے گا۔

فیڈریشن آف انٹر نیشنل ہاکی (ایف آئی ایچ )کے مطابق اولمپکس 2020ءکے لیے ڈراز 9ستمبر کو ہوں گے جن میں اس وقت کی رینکنگ کو دیکھتے ہوئے شیڈول طے ہوجائے گا۔