دوسرا ٹی ٹونٹی: پاکستان نے آسٹریلیاکیخلاف ٹاس جیت لیا
پاکستانی وقت کے مطابق میچ دوپہر 1بجکر 10منٹ پر شروع ہوگا
ذیشان مہتاب منگل 5 نومبر 2019 12:47
کینبرا(اردو پوائنٹ تازہ ترین اخبار۔ 5نومبر2019ء) تین ٹی ٹونٹی میچز کی سیریز کے دوسرے مقابلے میں پاکستان نے آسٹریلیا کیخلاف ٹاس جیت کر پہلے بلے بازی کرنے کا فیصلہ کیا ہے ۔ تفصیلات کے مطابق آسٹریلیا اور پاکستان کی ٹیمیں منگل کو کینبرا کے منوکا اوول گراﺅنڈ پر سیریز کے دوسرے ٹی ٹونٹی کیلئے صف آرا ہوں گی۔پاکستانی پیسر محمد عرفان کو ایرون فنچ کیخلاف جس مشکل کا سامنا کرنا پڑا اس کے پیش نظر اس بار ان کی جگہ حقیقی رفتار کے مالک محمد حسنین یا محمد موسیٰ میں سے کسی ایک کو میدان میں اتارا جائےگا تاکہ ابتدائی اوورز میں کینگروز کو باندھ کر کھلایا جائے اور کسی بھی ہدف کا دفاع ممکن ہو سکے۔ قوی امکان ہے کہ ہوم ٹیم میں کوئی تبدیلی نہیں کی جائےگی۔پاکستانی بیٹنگ لائن میں موجود بائیں ہاتھ کے بیٹسمین فخر زمان کے مسلسل دوسرے گولڈن ڈک کے بعد توقع ہے کہ آج امام الحق پر بھروسہ کیا جائےگا کیونکہ گیارہ اننگز کے دوران فخر زمان ایک مرتبہ ہی 25 یا اس سے زائد رنز سکور کر سکے ہیں۔
واضح رہے کہ آج ٹی ٹونٹی کرکٹ کا میچ نمبر1001 منوکا اوول پر مختصر فارمیٹ کا اولین معرکہ ہے اور اس گراﺅنڈ کی وکٹ کیسا کھیلے گی اس کے بارے میں کوئی علم نہیں کیونکہ شام کے اوقات میں موسم بھی قدرے ٹھنڈا رہےگا جو میچ کے اختتامی لمحات میں دس ڈگری سے بھی کمتر ہو سکتا ہے۔دوسرے میچ سے قبل دونوں ٹیموں نے گزشتہ روز بھرپور پریکٹس سیشن کیا اور پاکستانی کھلاڑی دو گھنٹے پر مشتمل ٹریننگ سیشن کے دوران خود کو بھرپور انداز سے فائن ٹیون کرتے دکھائی دئیے اور ہیڈ کوچ مصباح الحق کے ساتھ باﺅلنگ کوچ وقار یونس نے بھی اس دوران انہیں مشورے دئیے اور اس بات پر نگاہ مرکوز رکھی کہ بیٹنگ کے دوران جارح مزاجی کے ساتھ باﺅلنگ کے دوران اپنے ہدف کا ہر ممکن طور پر دفاع ممکن بنایا جائے۔ پاکستانی وقت کے مطابق میچ دوپہر 1بجکر 10منٹ پر شروع ہوگا۔
(جاری ہے)
وقت اشاعت : 05/11/2019 - 12:47:23
مزید متعلقہ خبریں پڑھئیے :
Pakistan tour of Ireland 2024
Pakistan tour of England 2024
ICC Men's T20 World Cup 2024
Browse Cricket
Browse Sports
Sports News In Urdu
-
شمعون ہدایت نے یونین کلب گیٹورڈ ٹرافی رینکنگ ٹینس چیمپئن شپ جیت لی
-
سلمان بٹ نے پی ایس ایل میں کوچنگ کے امکان کے بارے میں کھل کر بتا دیا
-
پنجاب کنگز اور رائل چیلنجرز بنگلورو کی ٹیموں کے مابین انڈین پریمیئر لیگ کاواحد میچ کل کھیلا جائے گا
-
پی ایس ایل 2025ء: مجوزہ شیڈول میں لاہور اور راولپنڈی، کراچی سے زیادہ میچز کی میزبانی کریں گے
-
ٹی ٹونٹی ورلڈ کپ جیت کر ادھورا کام مکمل کرنا ہے : محمد عامر
-
کراچی میں خواتین کرکٹرز کے ایکسینڈنٹ کی کہانی سامنے آگئی