حسن علی جلد فٹنس مسائل سے چھٹکارا پانے اورکم بیک کے لیے پرعزم

اپنے ٹریننگ پلان سے پی سی بی میڈیکل پینل کے ساتھ مکمل رابطے اور ملنے والی ہدایات پرعمل کررہے ہیں

Zeeshan Mehtab ذیشان مہتاب ہفتہ 26 ستمبر 2020 13:34

حسن علی جلد فٹنس مسائل سے چھٹکارا پانے اورکم بیک کے لیے پرعزم
لاہور (اردو پوائنٹ تازہ ترین اخبار ۔ 26 ستمبر 2020ء ) فاسٹ بائولرحسن علی جلد فٹنس مسائل سے چھٹکارا پانے اور کم بیک کے لیے پرعزم ہیں۔ 26 سالہ فاسٹ بائولرحسن علی جلد فٹنس مسائل سے چھٹکارا پانے اور کم بیک کے لیے پرعزم ہیں، انہوں نے کمردرد سے نجات پانے کے لیے جاری ری ہیب پروگرام میں رننگ بھی شروع کردی۔ حسن علی پندرہ ماہ سے فٹنس مسائل کی وجہ سے انٹرنیشنل کرکٹ سے دورہیں۔

(جاری ہے)

پی سی بی نے ان کی بحالی فٹنس پروگرام تیار کررکھا ہے جس کے تحت فاسٹ باولرنے خود کومکمل فٹ کرنے کے لیے سخت محنت جاری رکھی ہوئی ہے اور اپنے ٹریننگ پلان سے پی سی بی میڈیکل پینل کے ساتھ مکمل رابطے اور ملنے والی ہدایات پرعمل کررہےہیں۔ اگست 2016ء میں ڈیبیو کرنے کے بعد 9 ٹیسٹ، 53 ایک روزہ اور 30 ٹی ٹونٹی میچز میں پاکستان کی نمائندگی کرنے والے حسن علی نے آخری بار16 جون 2019ء کو آئی سی سی ورلڈکپ کے دوران بھارت کے خلاف ون ڈے میچ میں شرکت کی تھی۔                                                                                                                                                                            
وقت اشاعت : 26/09/2020 - 13:34:17

مزید متعلقہ خبریں پڑھئیے‎ :