فاسٹ بائولر رومان رئیس کی نیٹ میں بائولنگ کی ویڈیو وائرل

کراچی (اردو پوائنٹ تازہ ترین اخبار ۔ 16 مارچ 2021ء ) بائیں ہاتھ کے فاسٹ بولر رومان رئیس نے کمر کی انجری سے صحت یاب ہونے کے بعد نیٹ پر بائولنگ شروع کردی ہے۔ 29 سالہ رومان رئیس کو بھی 21-2020ء کے پی ایس ایل سیزن میں شامل نہیں کیا گیا تھا۔ وہ پاکستان سپر لیگ (پی ایس ایل) سیزن سکس کا حصہ نہیں تھے اور انہوں نے اسلام آباد یونائیٹڈ کے باؤلنگ مشیر کی حیثیت سے خدمات انجام دیں جس کے لئے انہوں نے پہلے 5 سیزن کھیلے۔

(جاری ہے)

رومان رئیس نے ٹویٹر پر ایک ویڈیو شیئر کی جس میں وہ نیٹ پر بائولنگ کرتے دیکھے جاسکتے ہیں ، انہوں نے ویڈیو میں اپنی بیٹنگ کے جوہر بھی دکھائے۔ رومان رئیس نے گرین شرٹس کے لئے 9 ون ڈے اور 8 ٹی ٹونٹی میں کھیلے ہیں اور ان کے کریڈٹ پر 22 انٹرنیشنل وکٹیں ہیں۔