کورونا کے شکار سابق ٹیسٹ اوپنر صادق محمد کی علاج کیلئے حکومتی مدد کی اپیل

لاہور (اردو پوائنٹ تازہ ترین اخبار ۔ 31 جولائی 2021ء ) کورونا کا شکار سابق ٹیسٹ اوپنر صادق محمد نے علاج معالجہ کے لیے حکومت سے مدد طلب کرلی۔ محمد برادران میں سب سے چھوٹے 76 سالہ صادق محمد کا کہنا ہے کہ کوویڈ 19 کا شکار ہونے کے بعد وہ بہت نقاہت اور کمزوری محسوس کررہے ہیں، علاج کے لیے رجوع کرنے پر نجی ہسپتال نے طبی معائنہ کے بعد گھر بھیج دیا۔

(جاری ہے)

نجی ٹی وی کے نمائندے سے گفتگو کرتے ہوئے صادق محمد نے کہا کہ طبعیت کے مد نظرخواہش ہے کہ ہسپتال میں ضروری علاج کیا جائے، اس ضمن میں وزیر اعلیٰ سندھ سید مراد علی شاہ سے اپیل ہے کہ وہ متعلقہ حکام کو ان کے علاج معالجہ کی ہدایت جاری کریں۔

یاد رہے کہ صادق محمد نے 1969ء سے 1981ء کے دوران 41 ٹیسٹ اور 19 ون ڈے میچز میں پاکستان کی نمائندگی کی تھی ۔