کھلاڑیوں نے انگلینڈ کیخلاف 5واں ٹیسٹ کھیلنے سے انکار کیا: سارو گنگولی

نئی دہلی (اردو پوائنٹ تازہ ترین اخبار ۔ 14 ستمبر2021ء) بھارتی کرکٹ بورڈ (بی سی سی آئی) کے صدر سورو گنگولی نے کہا ہے کہ ان کے کھلاڑیوں نے کورونا کے خدشات کے باعث انگلینڈ کے خلاف 5 واں اور آخری ٹیسٹ میچ کھیلنے سے انکار کردیا ہے ۔ ایک انٹرویو میں انہوں نے کہا کہ کھلاڑیوں نے کھیلنے سے انکار کردیا ہے تاہم آپ انہیں مورد الزام نہیں ٹھہرا سکتے۔

(جاری ہے)

انہوں نے کہا کہ فزیو یوگیش پرمار کا کھلاڑیوں سے قریبی رابطہ رہا ہے، وہ کھلاڑیوں میں آزادانہ گھل مل جاتے ہیں یہاں تک کے ان کے کورونا ٹیسٹ بھی کیے ہیں جب کہ یوگیش کھلاڑیوں کا مساج بھی کرتے رہے ہیں اور وہ ان کی روز مرہ کی زندگی کا حصہ تھے۔

انہوں نے کہا کہ کھلاڑی، یوگیش کو کورونا ٹیسٹ مثبت آنے کے بعد ٹوٹ گئے ہیں، انہیں ڈر ہے کہ وہ بھی اس بیماری میں ضرور مبتلا ہوئے ہیں اور شدید خوفزدہ ہیں۔