کراچی کی مسلسل 5ویں شکست، سوشل میڈیا میمز سے بھر گیا

کراچی (اردو پوائنٹ تازہ ترین اخبار ۔ 7 فروری 2022ء ) پاکستان سپر لیگ ( پی ایس ایل) کے 7ویں ایڈیشن کے پہلے مرحلے میں اتوار کے روز کراچی کنگز کو اسلام آباد یونائیٹڈ کے خلاف ایونٹ میں مسلسل 5ویں شکست کا سامنا کرنا پڑا۔ ایونٹ میں اب تک مسلسل ناکامی کا سامنا کرنے والی ٹیم کراچی کنگز کے مداح جہاں ٹیم کی کارکردگی سے پریشان ہیں وہی سوشل میڈیا صارفین کنگز کی مسلسل شکستوں پر مزے مزے کے تبصرے کررہے ہیں۔

(جاری ہے)

لاہور قلندرز کے مداح نے کراچی کنگز کو مخاطب کرتے ہوئے کہا کہ ’یہ ہمیں باتیں کرتے تھے‘، ایک صارف نے کراچی کی بیٹنگ کی آخری امید فردوس عاشق اعوان کو قرار دیا۔ واضح رہے کہ اتوار کے روز کھیلے گئے میچ میں اسلام آباد یونائیٹڈ نے کراچی کنگز کو یکطرفہ مقابلے کے بعد 42 رنز سے شکست دی تھی۔