آسٹریلوی بولنگ کنسلٹنٹ فواد احمد کورونا کا شکار

راولپنڈی (اردو پوائنٹ تازہ ترین اخبار ۔ 3 مارچ 2022ء ) آسٹریلوی کرکٹ ٹیم کے بولنگ کنسلٹنٹ فواد احمد کا کورونا ٹیسٹ مثبت آگیا۔ پاکستان کرکٹ بورڈ (پی سی بی) کے مطابق آسٹریلوی کرکٹ ٹیم کے بولنگ کنسلٹنٹ فواد احمد کا کورونا ٹیسٹ مثبت آگیا ہے جس کے بعد انہیں آئسولیٹ کردیا گیا۔ آسٹریلیا کے بولنگ کنسلٹنٹ پی ایس ایل 7 میں شرکت کے بعد پیر کو اسلام آباد پہنچے تھے۔

(جاری ہے)

بورڈ حکام کا کہنا ہے کہ فواد احمد کو فی الحال ان میں معمولی علامات سامنے آئی ہیں جب کہ انہیں 5 روز تک قرنطینہ میں رہنا ہوگا جس کے بعد کوویڈ-19 ٹیسٹ رپورٹ منفی آنے پر ہی آسٹریلوی سکواڈ کو جوائن کرسکیں گے۔ واضح رہے کہ آسٹریلوی سکواڈ کے کھلاڑی اور آفیشلز روزمرہ کی بنیاد پر خود ریپڈ انٹیجن ٹیسٹ کرتے ہیں جبکہ کھلاڑیوں اور آفیشلز کی میڈیکل ٹیم بھی روز کووڈ ٹیسٹ کرتی ہے۔

واضح رہے کہ پیٹ کمنز کی قیادت میں آسٹریلین ٹیم 27 فروری کو اسلام آباد پہنچی تھی جب کہ پاک آسٹریلیا ٹیسٹ میچ 4 مارچ سے راولپنڈی میں کھیلا جائے گا۔