محمد عامر نے انٹرنیشنل کرکٹ میں واپسی کی خبروں کی تردید کردی

لاہور (اردو پوائنٹ تازہ ترین اخبار ۔ 11 اپریل 2022ء ) ریٹائرڈ فاسٹ بولر محمد عامر نے ریٹائرمنٹ واپس لینے کی خبروں کی تردید کرتے ہوئے کہا ہے کہ وہ اس حوالے سے کچھ نہیں سوچ رہے۔ ایکسپریس نیوز سے بات کرتے ہوئے بائیں ہاتھ کے فاسٹ بولر نے کہا کہ فی الحال ان کا انٹرنیشنل کرکٹ میں واپسی کا کوئی ارادہ نہیں ہے۔ 29 سالہ نوجوان پیسر ان دنوں مختلف لیگز کھیلنے میں مصروف ہیں اور اپنی فیملی کے ساتھ وقت گزار کر زندگی سے لطف اندوز ہو رہے ہیں۔

(جاری ہے)

افواہیں گردش کر رہی تھیں کہ فاسٹ بولر پی ٹی آئی حکومت کے خاتمے اور کرکٹ بورڈ کے سیٹ اپ میں متوقع تبدیلیوں کے بعد واپسی کا اعلان کریں گے۔ تاہم محمد عامر نے ان خبروں کی سختی سے تردید کی ہے۔ واضح رہے کہ عامر نے دسمبر 2020ء میں ریٹائرمنٹ کا اعلان کرتے ہوئے اس وقت کے ہیڈ کوچ مصباح الحق اور بولنگ کوچ وقار یونس کے زیر انتظام نہ کھیلنے کا فیصلہ کیا تھا۔