شاہد آفریدی کا عمران خان کو پارلیمنٹ نہ چھوڑنے کا مشورہ

لاہور (اردو پوائنٹ تازہ ترین اخبار ۔ 5 مئی 2022ء ) سابق کپتان پاکستان کرکٹ ٹیم شاہد آفریدی نے سابق وزیر اعظم عمران خان کو پارلیمنٹ نہ چھوڑنے کا مشورہ دے دیا ۔ نجی ٹی وی سماء نیوز کے ساتھ گفتگو میں ان کا کہنا تھا کہ مجھے اور میری فیملی کو عمران خان سے بہت امیدیں ہیں ، میں نے پہلی بار 2013ء میں کسی کو ووٹ دیا تھا ۔ سٹار کرکٹر کا مزید کہنا تھا کہ عمران خان سے بہت سے غلطیاں ہوئیں جنہیں ماننا چاہیے ، غلطیاں تسلیم کریں گے تو بہتر سیاستدان بنیں گے ۔

(جاری ہے)

شاہد آفریدی کا مزید کہنا تھا کہ شہباز شریف کو بطور وزیر اعظم مبارکباد دینے کا مقصد عمران خان سے احتجاج تھا جو میرا ان کیساتھ ذاتی احتجاج تھا، میں سمجھتا ہوں کہ عمران خان کو اس وقت گراونڈ نہیں چھوڑنا چاہیے ، ان کا گرائونڈ پارلیمنٹ ہے ، پارلیمنٹ میں مقابلہ کرنا چاہیے ۔