پاکستان اور افغانستان کے درمیان رواں برس ون ڈے سیریز کے امکانات ختم

لاہور (اردو پوائنٹ تازہ ترین اخبار ۔ 26 جون 2022ء )  پاکستان اور افغانستان کے درمیان رواں برس 3 ون ڈے میچز کی سیریز کے امکانات ختم ہوگئے۔ ذرائع کے مطابق ونڈو دستیاب ہونے کے باوجود سیریز کو ممکن نہیں بنایا جاسکا۔ ذرائع کا کہنا ہے کہ آئندہ برس اپریل تک پاکستان کرکٹ ٹیم کی مسلسل مصروفیت کے باعث سیریز ممکن نہیں، افغانستان کے ساتھ سیریز کے لیے نئی ونڈو تلاش کی جا رہی ہے۔

پاکستان کرکٹ ٹیم نیوزی لینڈ میں تین ملکی ٹی ٹونٹی سیریز کھیلے گی۔

(جاری ہے)

سہ فریقی ٹی ٹونٹی سیریز میں نیوزی لینڈ، پاکستان اور بنگلادیش کی ٹیمیں شریک ہوں گی۔ ذرائع نے دعویٰ کیا کہ سیریز کے انعقاد کے لیے تینوں بورڈز کے درمیان معاملات طے پا گئے ہیں۔ پاکستان ٹیم 2 اکتوبر کو انگلینڈ کے خلاف ٹی ٹونٹی سیریز ختم کرنے کے بعد نیوزی لینڈ جائے گی۔ ذرائع نے مزید کہا کہ پاکستان اور انگلینڈ کے درمیان سیریز 15 ستمبر سے 2 اکتوبر تک کھیلی جائے گی۔