ایڈیلیڈ سے ہی ورلڈ کپ 1992ء میں پاکستانی ٹیم کی قسمت بدلی تھی

لاہور (اردو پوائنٹ تازہ ترین اخبار ۔ 7 نومبر 2022ء ) ایڈیلیڈ اوول کے گراؤنڈ میں 1992ء کے عالمی کپ میں پاکستانی ٹیم کی قسمت بدلی تھی، ٹی ٹونٹی ورلڈ کپ میں بھی پاکستان کی قسمت نے اسی گراؤنڈ سے پلٹا کھایا۔ جنگ اخبار کی رپورٹ کے مطابق انگلینڈ کے خلاف وہ صرف 74 رنز پر آؤٹ ہوگئی تھی لیکن بارش کی وجہ سے دونوں ٹیموں کو ایک ایک پوائنٹ مل گیا تھا اور یہی ایک پوائنٹ اسے آگے لے گیا اور اب تیس سال بعد پاکستانی ٹیم نے اس گراؤنڈ سے اہم موڑ لیا ہے۔

(جاری ہے)

نیدر لینڈ نے جنوبی افریقا جیسی مضبوط ٹیم کو ہرا کر تہلکہ مچا دیا اور پھر پاکستان بنگلہ دیش کو ہرا کر سیمی فائنل میں پہنچ گیا۔ 1992ء میں بھی یہی دونوں ٹیمیں لاسٹ فور میچ میں مدمقابل تھیں، پاکستان نے انضمام الحق، جاوید میانداد، معین خان ، کپتان عمران خان اور رمیز راجہ کی بیٹنگ کی بدولت 262 رنز کا ہدف حاصل کرکے فائنل میں جگہ بنائی تھی۔