’8 ہزار روپے دو گے تو جانے دیں گے ورنہ تھانے چلو‘

کراچی ( اُردو پوائنٹ اخبارتازہ ترین ۔ 28 نومبر 2023ء ) سندھ پولیس کی جانب سے قومی کرکٹرز عامر یامین اور صہیب مقصود سے رشوت لینے کا واقعہ سامنے آگیا۔ تفصیلات کے مطابق کرکٹر صہیب مقصود اور عامر یامین نے سندھ پولیس پر رشوت لینے کا الزام عائد کردیا، اس حوالے سے صہیب مقصود نے سوشل میڈیا پلیٹ فارم ایکس پر کہا ہے کہ ’ زندگی میں پہلی بار کراچی سے ملتان بذریعہ روڈ سفر کیا، سندھ پولیس اتنی کرپٹ ہے کہ 50 کلومیٹر کے بعد آپ کو روک کر پیسے مانگتی ہے اور نہ دینے کی صورت میں تھانے لے جانے کی دھمکی دیتی ہے‘۔

انہوں نے مزید لکھا کہ ’سندھ پولیس میں کرپشن عروج پر ہے، ہم نے پولیس کو بتایا کہ ہم کرکٹرز ہیں اور کراچی میں میچ کھیلنے کے بعد واپس ملتان جارہے ہیں پھر بھی انہوں نے ہم سے 8 ہزار روپے لے لیے، ہم بہت خوش قسمت ہیں کہ ہم سندھ میں نہیں پنجاب میں رہتے ہیں‘۔

(جاری ہے)