محسن نقوی نے وہاب ریاض کو غیر ملکی کوچز کی تعیناتی کا ٹاسک سونپ دیا

لاہور (اردو پوائنٹ تازہ ترین اخبار ۔ 26 فروری 2024ء ) چیئرمین پاکستان کرکٹ بورڈ (پی سی بی) محسن نقوی نے چیف سلیکٹر وہاب ریاض کو غیر ملکی کوچز کی تعیناتی کا ٹاسک سونپ دیا۔

(جاری ہے)

تفصیلات کے مطابق پی سی بی نے غیرملکی کوچز کی تعیناتی کا ٹاسک چیف سلیکٹر وہاب ریاض کو دیدیا، وہاب ریاض نے غیر ملکی کوچز سے رابطے شروع کر دئیے، واضح رہے کہ سابق ڈائریکٹر قومی کرکٹ ٹیم محمد حفیظ کے معاہدے میں توسیع نہیں کی گئی تھی، محمد حفیظ کی ڈائریکٹر شپ میں آسٹریلیا کے ہاتھوں ٹیسٹ میں 0-3 کی وائٹ واش شکست کا سامنا کرنا پڑا تھا، نیوزی لینڈ سے ٹی ٹونٹی سیریز میں 1-4 سے ناکامی ہوئی تھی۔