بابر اعظم کا ٹی ٹونٹی کرکٹ میں زیادہ چوکوں کا ریکارڈ ٹوٹ گیا

شارجہ (اردو پوائنٹ تازہ ترین اخبار ۔ 17 مارچ 2024ء ) آئرلینڈ کے پال اسٹرلنگ ٹی 20 انٹرنیشنل میں 400 چوکے لگا کر ویرات کوہلی اور بابر اعظم سے آگے نکل گئے۔ آئرلینڈ کے پال اسٹرلنگ ٹی 20 انٹرنیشنل میں 400 چوکے لگانے والے دنیا کے پہلے بیٹر بن گئے، وہ اب تک 135 مختصر فارمیٹ کے بین الاقوامی میچز میں اب تک 401 باؤنڈریز لگا چکے۔

(جاری ہے)

پاکستانی بیٹر بابراعظم 109 مقابلوں میں 395 چوکے لگا کر دوسرے نمبر پر ہیں، پال سٹرلنگ نے گذشتہ دنوں افغانستان سے سیریز کے پہلے ٹی ٹونٹی انٹرنیشنل مقابلے میں یہ کارنامہ سرانجام دیا، انھوں نے اس مقابلے میں 2 چوکوں کی مدد سے 25 رنز اسکور کیے۔

ویرات کوہلی 117 میچز میں 361 چوکوں کے ساتھ تیسرے نمبر پر ہیں، روہت شرما نے 151 میچز میں 359 چوکے جڑ رکھے ہیں ، ڈیوڈ وارنر 103 ٹی 20 میچز میں 320 چوکے لگا کر ٹاپ 5 میں موجود آخری بیٹر ہیں۔