ثناء جاوید نے شعیب ملک کو معجزہ قرار دے دیا

لاہور (اردو پوائنٹ تازہ ترین اخبار ۔ 22 مارچ 2024ء ) پاکستانی اداکارہ ثناء جاوید نے اپنے شوہر اور آل رائونڈر شعیب ملک کو معجزہ قرار دے دیا ہے۔ ثناء جاوید اور شعیب ملک نے رواں سال کے آغاز میں 20 جنوری کو اپنی شادی کا اعلان کیا تھا جس کے بعد سے یہ جوڑی مسلسل خبروں میں ہے۔

(جاری ہے)

حال ہی میں کھیلی جانے والی پاکستان سپر لیگ 9 کے میچز کے دوران بھی ثناء جاوید سٹیڈیم میں اپنے شوہر شعیب ملک کی حوصلہ افزائی کرتی نظر آئیں اور بہترین کھیل پیش کرنے پر اُنہیں اپنا ہیرو بھی قرار دیا۔

اب ثناء جاوید نے اپنی تازہ انسٹاگرام اسٹوری پر ایک قول شیئر کیا ہے جس کا مفہوم کچھ یوں ہے کہ ’کبھی کبھی معجزہ صرف اچھے دل والے لوگ بھی ہوتے ہیں۔‘ 

ثناء جاوید نے اپنی اسٹوری کے کیپشن میں شعیب ملک کو معجزہ قرار دیا۔