شاہین شاہ آفریدی کی بے رُخی پر سابق کرکٹرز کا بھی شدید ردعمل سامنے آگیا

جب آپ ہارتے ہیں تو ایسے سوالات تو آئیں گے: سلیم ملک، شاہین سے جو سوالات کیے گئے وہ بنتے تھے : ثقلین مشتاق

ذیشان مہتاب بدھ 7 مئی 2025 14:17

شاہین شاہ آفریدی کی بے رُخی پر سابق کرکٹرز کا بھی شدید ردعمل سامنے آگیا

لاہور (اردو پوائنٹ تازہ ترین اخبار ۔ 7 مئی 2025ء ) پی ایس ایل 10 میں کراچی سے میچ ہارنے بعد لاہور قلندرز کے کپتان شاہین شاہ کا بے رخی والا انداز سابق کرکٹرز کو ایک آنکھ نہ بھایا۔

لیگ میں دو بار کی چیمپئن لاہور قلندرز اپنا گزشتہ کراچی کنگز کے خلاف میچ ہار کر بڑی مشکل میں آ چکی ہے اور پلے آف مرحلے میں رسائی کے لیے اس کو پشاور زلمی کے خلاف اپنا آخری میچ لازمی جیتنا ہوگا۔

(جاری ہے)

ایک مقامی نجی ٹی وی چینل کے پروگرام میں گفتگو کرتے ہوئے سابق کپتان سلیم ملک نے کہا کہ جب آپ ہارتے ہیں تو ایسے سوالات تو آئیں گے، میں بھی اگر اس جگہ ہوتا تو ایسے ہی سوالات کرتا۔

ان کا کہنا تھا کہ وسیم اکرم، وقار یونس، شعیب اختر اور محمد آصف بڑے بولر تھے تو کیا اگر کوئی ان سے سوال کرتا تو کیا وہ ایسے بے رخی سے جواب دیتے۔

سابق قومی ٹیسٹ کرکٹر ثقلین مشتاق نے کہا کہ بعض سوالات غصہ دلانے والے ہوتے ہیں لیکن شاہین سے جو سوالات کیے گئے وہ بنتے تھے کہ میچ ہارنے، بولنگ خامیوں اور آخری تین اوورز میں مار پڑنے سے متعلق ان سے ہی سوال ہونا تھا۔

وقت اشاعت : 07/05/2025 - 14:17:07