بھارت بزدل نکلا، کرکٹ میدان پر حملہ کیا : رمیز راجہ

کرکٹ ہے تو ہم سب ہیں، پاکستان نے ہیرو بن کے دکھایا : سابق چیئرمین پی سی بی

ذیشان مہتاب منگل 20 مئی 2025 12:34

بھارت بزدل نکلا، کرکٹ میدان پر حملہ کیا : رمیز راجہ

اسلام آباد (اردو پوائنٹ تازہ ترین اخبار ۔ 20 مئی 2025ء) پاکستان کرکٹ بورڈ کے سابق چیئرمین رمیز راجہ نے کہا ہے کہ بھارت نے بزدلانہ کارروائی کرتے ہوئے کرکٹ کے میدان پر حملہ کیا، ہر مشکل کے بعد ہیرو بننے کا موقع پاکستان نے کرکے دکھایا، کرکٹ دنیا میں پاکستان کی پہچان ہے، تمام اسٹیک ہولڈرز کو اب کرکٹ کو اوپر کی طرف لیکر جانا ہوگا۔

راولپنڈی کرکٹ اسٹیڈیم میں راولپنڈی اسلام آباد سپورٹس جرنلسٹس ایسوسی ایشن (رسجا) کے زیر اہتمام معرکہ حق میں افواج پاکستان کی شاندار فتح پر یوم تشکر کے حوالے سے منعقدہ تقریب سے خطاب کرتے ہوئے رمیز راجہ نے کہا کہ پاکستان چار دن کے اندر قوم بن کر ابھری ہے، قوم میں اعتماد دیکھ کر بیت خوش ہوا ہوں، ہر مشکل کے بعد ہیرو بننے کا موقع ہوتا ہے جو پاکستان نے کرکے دکھایا۔

(جاری ہے)

انہوں نے کہا کہ کرکٹ میں پریشر ہوتا ہے، گریٹ کھلاڑی پریشر صورتحال سے گزر کر بنتے ہیں، پاکستانی قوم بھی مشکلات کا شکار تھی لیکن ہیرو بن کر ابھری جب کہ بھارت نے لحاظ نہیں کیا اور کرکٹ کے میدان پر حملہ کردیا، کوئی بھی خاندانی قوم پانی اور کرکٹ پر حملہ نہیں کرتی۔

رمیز راجہ نے کہا کہ مجھے افسوس ہوتا ہے کہ پاکستان کئی شعبوں میں اوپر کیوں نہیں گیا، پاکستان میں ہر فرد کرکٹ کا اسٹیک ہولڈر ہے، کرکٹ ہے تو ہماری عزت ہے ہم سب نیپاکستان کرکٹ کو اوپر لیکر جانا ہے۔

وقت اشاعت : 20/05/2025 - 12:34:02