پاکستان نے تیسرے ٹی ٹونٹی میں ویسٹ انڈیز کو شکست دیکر سیریز اپنے نام کرلی

صاحبزادہ فرحان کے 74 رنز، پاکستان ٹیم میں دو تبدیلیاں کی گئیں

ذیشان مہتاب پیر 4 اگست 2025 09:22

پاکستان نے تیسرے ٹی ٹونٹی میں ویسٹ انڈیز کو شکست دیکر سیریز اپنے نام کرلی

لاڈرہل (اردو پوائنٹ تازہ ترین اخبار ۔ 4 اگست 2025ء ) پاکستان نے ویسٹ انڈیز کو 3 میچز پر مشتمل ٹی ٹوئنٹی سیریز کے فیصلہ کن میچ میں 13 رنز سے شکست دے کر سیریز اپنے نام کرلی۔

امریکی ریاست فلوریڈا کے شہر لاؤڈر ہل میں کھیلے گئے میچ میں پاکستان کے کپتان سلمان علی آغا نے ٹاس جیت کر پہلے بیٹنگ کرنے کا فیصلہ کیا۔

مقررہ 20 اوورز میں قومی ٹیم نے 4 وکٹوں کے نقصان پر 189 رنز بنائے ، 190 رنز کے ہدف کے تعاقب میں ویسٹ انڈیز ٹیم 6 وکٹوں کے نقصان پر 176 رنز بناسکی۔

تیسرے اور آخری ٹی ٹوئنٹی کیلئے پاکستان ٹیم میں دو تبدیلیاں کی گئیں۔ قومی ٹیم میں شاہین آفریدی کی جگہ حارث رؤف اور فخر زمان کی جگہ خوشدل شاہ کو پلیئنگ الیون میں شامل کیا گیا۔

پاکستان نے صائم ایوب اور صاحبزادہ فرحان کی شاندار نصف سنچریوں کی بدولت مقررہ 20 اوورز میں 4 وکٹوں کے نقصان پر 189 رنز بنائے۔

(جاری ہے)

صاحبزادہ فرحان 74 اور صائم ایوب 66 رنز بناکر نمایاں رہے۔

اس کے علاوہ حسن نواز 15اور محمد حارث 2 رنز بناکر آؤٹ ہوئے۔

خوشدل شاہ 11 اور فہیم اشرف 10 رنز کے ساتھ ناقابل شکست رہے۔

ویسٹ انڈیز کی جانب سے جیسن ہولڈر، روسٹن چیز اور شمار جوزف نے ایک ایک وکٹ لی۔

واضح رہے کہ 3 میچز پر مشتمل سیریز کے پہلے میچ میں پاکستان جب کہ دوسرے میں ویسٹ انڈیز نے فتح حاصل کی تھی۔

وقت اشاعت : 04/08/2025 - 09:22:02