ہاکی فیڈریشن مالی بیضابطگیاں، پلیئرز کو ڈیلی الاونسز کی عدم ادائیگی کا معاملہ پارلیمنٹ پہنچ گیا

اسلام آباد (اُردو پوائنٹ اخبارتازہ ترین - آن لائن۔ 21 اگست2025ء) قومی ہاکی ٹیم کے کھلاڑیوں کے ڈیلی الاؤنسز، پاکستان ہاکی فیڈریشن میں مبینہ مالی بیضابطگیوں اور پرو ہاکی لیگ میں شرکت کا معاملہ پارلیمنٹ پہنچ گیا، قومی اسمبلی کی قائمہ کمیٹی براے بین الصوبائی رابطہ نے پاکستان ہاکی فیڈریشن کے حکام کو طلب کر لیا۔

(جاری ہے)

پاکستان ہاکی فیڈریشن کے مالی تنازعات اور قومی ہاکی پلیئرز کو ڈیلی الاونسرز کی عدم ادائیگیوں کے معاملے پر قومی اسمبلی قائمہ کمیٹی برائے بین الصوبائی رابطہ کا اجلاس25 اگست کو پارلیمنٹ ہاؤس میں کمیٹی کے چیئرمین سنا اللہ خان مستی خیل کی زیر صدارت ہوگا۔

پاکستان ہاکی فیڈریشن کے صدر طارق بگٹی اور سیکرٹری جنرل رانا مجاہد کو کمیٹی اجلاس میں طلب کیا ہے جن سے پرو ہاکی لیگ میں پاکستان کی شرکت کے معاملے پر بھی بریفنگ لی جائے گی۔ قائمہ کمیٹی نے پاکستان سپورٹس سپورٹ کے ڈائریکٹر جنرل یاسر پیرزادہ کو بھی اجلاس میں شرکت یقینی بنانے کی ہدایت کی ہے جو پاکستان ہاکی فیڈریشن کی مبینہ مالی بے ضابطگیوں اور مالی تنازعات کے حوالے سے قائمہ کمیٹی کو تفصیلی بریفنگ دیں گے۔