پاکستان ہاکی فیڈریشن نے ’’فور نیشن انویٹیشن ہاکی ٹورنامنٹ‘‘کی تیاریوں کے لیے قومی سینئر ہاکی ٹیم کا تربیتی کیمپ 15 اگست سے اسلام آباد میں طلب کر لیا

اسلام آباد (اُردو پوائنٹ اخبارتازہ ترین - اے پی پی۔ 14 اگست2026ء) پاکستان ہاکی فیڈریشن نے روس کے شہر کازان میں ہونے والے’’فور نیشن انویٹیشن ہاکی ٹورنامنٹ‘‘کی تیاریوں کے لیےقومی سینئر ہاکی ٹیم کا تربیتی کیمپ 15 اگست سے اسلام آباد میں طلب کر لیا ہے۔ تربیتی کیمپ پاکستان سپورٹس کمپلیکس اسلام آباد کے نصیر بندہ ہاکی سٹیڈیم میں لگایا جائے گا، جو 15 اگست سے شروع ہو گا۔

فور نیشن ٹورنامنٹ 27 اگست تایکم ستمبر 2026 تک روس کے شہر کازان میں کھیلا جائے گا۔پاکستان ہاکی فیڈریشن کی پروفیشنل ڈویلپمنٹ کمیٹی اور نیشنل سلیکشن کمیٹی کی سفارشات پر جاری کیے گئے نوٹیفکیشن کے مطابق تمام منتخب کھلاڑیوں کو ہدایت کی گئی ہے کہ وہ 15 اگست شام 5:00 بجے تک رپورٹ کریں۔ کیمپ کے لیے طلب کیے گئے کھلاڑیوں میں گول کیپرز، فیضان جنجوعہ، محمد اویس، منیب الرحمن، اویس رشید۔

(جاری ہے)

ل، ڈیفینڈرز، یاسر اسلام، احسان خان، عثمان خان، محمد زین، اسد عزیز، بلال اسلم، مڈفیلڈرز / ہاف بیکس، عبدالحمید، احسن ندیم، سمیع اللہ، عقیل احمد، عرفان شاہ، محمد عاطف، عبدالوہاب، ریحان علی، فارورڈز / اسٹرائیکرز، ارسلان، طٰہٰ شیروانی، سرفراز ظہیر، اویس ارشد، شریف خان، محمد فیضان، علی مرتضیٰ، محمد بلال، تیمور جاوید، محمد احمد، دانش طارق، رمضان سرگانہ، ابوذر، عبدالیوسف، وسیم اکرم اور عثمان اشرف شامل ہیں۔

پاکستان ہاکی فیڈریشن کی جانب سے تمام متعلقہ صوبائی ایسوسی ایشنز، سپورٹس ڈیپارٹمنٹس اور سروس آرگنائزیشنز کو خط ارسال کر دیا گیا ہے جس میں کھلاڑیوں کے لیے نو آبجیکشن سرٹیفکیٹ (NOC)، کم از کم 6 ماہ کی میعاد والے پاسپورٹ، 8 پاسپورٹ سائز تصاویر اور پلیئنگ کٹ ساتھ لانے کی ہدایت کی گئی ہے۔