محنت کی برکتیں

محنت ایسا نسخہ کیمیاہے کہ جس نے اس پر عمل کیا وہ کامیابی سے ہمکنار ہوا خاتم النبیین ﷺکی زندگی دنیا کے سامنے ہے کہ پوری زندگی دین کی محنت و مشقت کی نذر ہوگٸی تب جاکے آپﷺ قوم کی اصلاح کا مقصد حاصل کرسکے۔دراصل دنیا ایک عمل گاہ ہے جہاں انسان کا ایک ایک منٹ قدرت کے زیر نظر ہے اور وہ دیکھتا رہتا ہے کہ انسان نے کیا سیکھا اور کیا فراموش کیا۔

دنیا میں جتنے اشخاص بلندی پر پہنچے وہ اپنی محنت اور بےشمار سختیاں جھیل کر اس قابل ہوٸے کہ عظمت و عزت اور ناموری کے پرچم کو چھو سکیں ۔ تحریکِ پاکستاں کے راہ نماؤں کی زندگی سے بھی یہی بات سامنے آتی ہے۔بزرگانِ دین کی زندگی بھی یہی بتاتی ہے کہ مسلسل محنت سے کام یابی حاصل ہوتی ہے۔
محنت کے بغیر کسی کو عزت ملی نہ مرتبہ بلکہ پیٹ بھرنے کے لیے روٹی کا لقمہ بھی حاصل نہیں ہوتا ذرا اس کٹھن سفر کا اندازہ کیجٸے جو گندم کے ایک دانے کو انسان کی خوراک بننے کے لیے موسم کی سختیوں کے ساتھ طے کرنا پڑا اور وہ اس قابل ہوا کہ انسان کی خوراک بنے
محنت ایسی صلاحیت ہے جس کا پھل ہمیشہ شیریں ہوتا ہے ۔

(جاری ہے)

روز ازل سے لے کر آج تک انسان نے جو ترقی کی منزلیں طے کیں وہ سب محنت کی بدولت حاصل کیں، محنت ہی سے انسان نے پہاڑوں کی چوٹیوں کو سر کیا اور محنت کی وجہ سے ہی انسان سمندروں کی تہہ تک پہنچا محنت سے ہی نئے نئے ملک دریافت ہوئے محنت ہی کی وجہ سے انسان نے بلند وبالا عمارت کھڑی کیں ہیں۔
مولانا الطاف حسین حالی نے محنت کرنے والوں کے بارے کیا خوب کہا ہے ،ملاحظہ فرماٸیں!!
مشقت کی ذلت جنھوں نے اٹھائی
جہاں میں ملی ان کو آخر بڑائی
کسی نے بغیر ان کے ہرگز نہ پائی
فضیلت ،نہ عزت،نہ فرماں روائی
نہال اس گلستاں میں جتنے بڑھے ہیں
ہمیشہ وہ نیچے سے اوپر چڑھے ہیں
محنت کرنے والا انسان زندگی کے ہر میدان میں  کامیاب و کامران ہوتا ہے ۔

دنیا میں محنت کے بغیر کوٸی انسان ترقی راہ پہ گامزن نہیں ہوسکتا ہے ۔اور نہ ہی عزت و تکریم حاصل کرسکتا ہے کیونکہ چھوٹے پودے بڑے ہوکر تناور درخت بن جاتے  ہیں۔اسی طرح محنتی شخص پستی سے بلندی کا سفر طے کر لیتا ہے۔
رات و دن کی کوششوں سے ہی انسان نے مختلف ایجادات کیں ہیں۔ آج جو بھی چیزیں نظر آرہی ہیں جیسے ریڈیو ، ٹیلی ویژن ، بجلی، ہوائی جہاز، موبائل فون، کمپیوٹر اور دیگر چیزیں انسان کی محنت سے کی ہوئیں ایجادات ہیں۔

اور یہ سب کچھ مختلف اور لوگوں کی محنت و کوشش سے وجود میں آئی ہیں۔ اور جو قومیں محنت اور کوشش نہیں کرتیں وہ پیچھے رہ جاتی ہیں اور ان کو یاد کرنے والا کوئی نہیں ہوتا۔ اور اپنی عزت وقار کھو بیٹھتی ہیں۔ انہیں ترقی یافتہ قوموں کا محتاج ہونا پڑتا ہے۔
محنت ہی کے کےباعث ترقی ممکن ہے جس چیز کے لیے محنت و مشقت اور کوشش کی جائے وہ ضرور ملتی ہے۔

جیسا کہ کسان محنت سے کھیت میں بیج ڈالتا ہے۔ اُس کو وقت پر کاشت کرتا ہے اور اس کا خیال رکھتا ہے اسے وقت پر پانی دیتا ہے۔ پھر اس کا خیال رکھتا ہے اور پھر دن و رات کی مشقت کی بدولت اس کو محنت کا پھل اناج کی صورت میں ملتا ہے۔ محنت اور مشقت ایک ایسا عمل ہے جس سے انسان ترقی کی منازل طے کرتا ہے۔ اور ترقی کے نئے راستے کھلتے جاتے ہیں۔ محنت کی ہو تو ہی انسان کی عظمت بھی ہوتی ہیں
محنت سے انسانی زندگی میں نکھار، رنگت ،معیار اور وقار پیدا ہوتا ہے۔

کسان ہو یا طالبعلم وقت پر محنت کرنے کا نتیجہ کامیابی ملتی ہے۔بابائے قوم قاٸد اعظم  نے بھی کام،کام اور بس کام کی نصیحت کی۔اگر ہم محنت و مشقت کو اپنا زیور بنا لیں تو انفرادی اور قومی طور پر ترقی کر سکتے ہیں
ہمیں چاہیے کہ سب مل کر محنت اور مشقت  کریں تاکہ ملک ترقی کی راہ میں گامزن ہوسکے اور ہمارے ملک پاکستان  کا نام دنیا کے ترقی یافتہ ممالک کی سہر فہرست میں نظر آٸے کیونکہ محنت ہی میں برکت ہوتی ہیں۔