ماحول دوست کارواں...

صفائی نصف ایمان ہے. اس حدیث کی روشنی میں ہمیں اپنے اردگرد نظر دوڑانے کی ضرورت ہے.
کہ جس ماحول میں ہم رہ رہے ہیں. وہ کیسا ہے؟ اور ہم اس میں کس حد تک ایک مثبت کردار ادا کر رہے ہیں.
 صاف ستھرا ماحول اور آب وہوا ،  چونکہ صحت مند اور مہذب معاشرے کی پہچان ہے. لیکن ہم میں سے بہت سے لوگوں کو اس بات کا احساس تک نہیں ہے.  کہ ان کی بے احتیاطی اور لا پروائی  کی وجہ سے قدرتی ماحول اور آب وہوا کس حد تک متاثر ہو رہے ہیں.

اس لیے ہمیں چاہیے کہ ہم ماحول کو آلودہ ہونے سے بچائیں.
اس کے لئے ہمارا جو فریضہ ہے. اسے بہتر طور پر ادا کریں. اپنے گھروں کا کوڑا کرکٹ گلیوں میں نہ پھینکیں. بلکہ اسے کسی کھیت  میں ایک گھڑا کھود کر  دبا دیں.

(جاری ہے)

تاکہ وہ کوڑا تلف ہو کر کھاد کے طور پر استعمال ہو جائے.
دوسرا اہم نکتہ جس پر ہم سب کو توجہ دینے کی ضرورت ہے. وہ پلاسٹک بیگز ہیں.

جن کا استعمال ترک کرنے سے ہی  ہم ماحول کو صاف ستھرا رکھ سکتے ہیں. یہ بیگز ماحول میں آلودگی کی سب سے بڑی وجہ بنتے جا رہے ہیں.
ان کی جگہ کاغذ کے بیگز کا استعمال کریں. جو آسانی سے تلف ہو جاتے ہیں.
تیسری اہم وجہ جس سے ماحولیاتی اور فضائی آلودگی جنم لیتی ہے.
وہ جنگلات اور درختوں کا کٹاؤ ہے. ان کے کٹاؤ کی وجہ سے ماحولیاتی آلودگی بڑھ رہی ہے.

اور بہت سے علاقوں کی خوبصورتی بھی ماند پڑ رہی ہے.
اس کے لئے ہمیں چاہیے کہ ہم سب ماحول دوست بن کر زیادہ سے زیادہ پودے لگائیں.
تاکہ ہم آب وہوا کو خوشگوار بنانے کے ساتھ ساتھ بہت سے علاقوں کی خوبصورتی اور تازگی کو تروتازہ رکھنے میں اہم کردار ادا کر سکیں.
کیونکہ یہ ہم سب کا قومی اور معاشرتی فریضہ ہے. کہ ماحول کو صاف ستھرا  اور خوب صورت رکھنے کے لئے اپنا کردار ادا کریں.

تاکہ نہ صرف ہم خود  ایک صاف ستھرے ماحول میں سانس لے سکیں. بلکہ  اپنی آنے والی نسلوں کو صاف ستھرا اور صحت مند ماحول مہیا کرسکیں.
شجرکاری مہم میں بڑھ چڑھ کر حصہ لیں.تاکہ ہمارے اردگرد کا ماحول بھی صاف ستھرا ہو. اور ہم زیادہ آکسیجن بھی حاصل کر سکیں.
اور شجرکاری کے ذریعے زیادہ سے زیادہ پودے لگا کر قدرتی آفات، مثلاً سیلاب وغیرہ سے محفوظ رہا جا سکے.

اور بارشیں وقت پر ہوں. زیادہ درخت لگانے سے جہاں ماحولیاتی آلودگی کا خاتمہ ہو گا. وہاں بہت سے علاقوں کی خوبصورتی بھی برقرار رہے گی..   ماحول دوست کارواں سے سیاحت کو  بھی فروغ ملے گا. اور ہم خوبصورت علاقوں کی خوبصورتی کا لطف لینے  کے ساتھ ساتھ اپنی اور آنے والی نسلوں کو صاف ماحول بھی فراہم کر سکیں گے.
ماحول کو صاف ستھرا بنانے میں نہ صرف ہم خود بلکہ اپنے بچوں اور  نوجوان نسل کو بھی آگےلائیں. اور یہ  ماحول دوست کارواں یوں ہی چلتا رہے. جس کا مقصدماحول کو صاف ستھرا بنا کر اپنی زندگیوں میں خوشگوار تبدیلی کا اضافہ بھی ہو.