ہم اور ذہنی دباؤ

جس طرح  انسانی جسم میں درجہ حرارت کا بڑھنا  جسمانی صحت کی خرابی کی علامت ہو تاہے، بالکل اسی طرح  بہت زیادہ ذہنی دباؤ، ذہنی صحت  کے لئے خطرہ کا الارم ہے۔ آج کے دور میں شائد ہی کو ئی ایسا خوش قسمت شخص ہو جسے ذہنی د باؤ کی شکائیت نہ ہو۔ ذہنی دباؤ یا سٹریس کیا ہے؟
یہ ہمارا ذہنی ردعمل ہے جو کسی بھی ایسی صورتحال جس سے نبٹنا ہمارے بس سے باہر ہو، اس کا سامنا کرنے سے ظہور پذیر ہوتا ہے۔

روزمرہ کے  ذہنی دباؤ
بے ہنگم ٹریفک، موسم کی سختی ، پاور بریک ڈاؤن وغیرہ
لوگوں کے تکلیف دہ روئے
وقت کی کمی اور کام کی زیادتی
دوسروں کو متاثر کرنے کا  شوق
بہت جلد بہت زیادہ حاصل کرنے کی خواہش
اپنی بساط سے بڑھ کر کام کرنے کی کوشش
پانچ سب سے زیادہ  ذہنی د باؤ کے محرکات
کسی قریبی عزیز کی موت
طلاق یا شریکِ زندگی سے علیحدگی
طویل یا ناقابلِ علاج بیماری
ملازمت کا چھوٹ جانا
قانونی مسائل
مندرجہ بالا ذہنی دباؤ کسی بھی شخص کی دماغی صحت کو بری طرح تہہ و بالا کر سکتے ہیں ، اس لیے ان علامت کے ساتھ ہی حد درجہ محتاط رہنے کی ضرورت ہے
زہنی دباؤ کا کیسے سامنا کیا جائے؟
بظاہر ایسا لگتا ہے کہ آ پ ذہنی دباؤ کے دفاع میں کچھ بھی نہیں کر سکتے۔

(جاری ہے)

بل آتے رہیں گے، دن میں فقط 24 گھنٹے ہی رہیں اور آپ وقت کی کمی کی شکائت کرتے رہیں گے، آپ کی ذمہ داریاں، موسم کی سختیاں قائم رہیں گی، ٹریفک جام  ہوتے رہیں گے، لوگوں کے رویے سے آپ کو تکلیف ہوتی رہے گی۔ لیکن ان تمام باتوں کے باوجود آپ کو اپنی زندگی اور اپنے ذہنی دباؤ پر اس سے زیادہ کنٹرول ہے جتنا آپ سمجھتے ہیں۔درحقیقت اگر آپ صرف اسی بات کو سمجھ جائیں کہ ذہنی دباؤ پر آپ قابو پا سکتے ہیں تو سمجھ لیں کہ آپ  نے مثبت سمت میں پہلا قدم اٹھا لیا ہے۔

آخر میں دیا ہوا ذہنی صحت کا سوالنامہ پڑھیں اور ان میں آپ کے وہ جوابات جو مثبت ہیں ، ان پر غور کریں اور انہیں بہتر بنانے کی کوشش کریں۔
ذہنی دباؤ  پر قابو پانے کے منفی یا غیر صحت مند طریقے
عام طور سے کچھ لوگ ذہنی دباؤ پر قابو پانے کے ایسے طریقے استعما ل کر تے ہیں جو غیر صحتمند ہیں اور  ذہنی دباؤ کو کم کرنے کے بجائے اس میں اضافہ کر دیتے ہیں۔

ان کی ایک مختصر سی فہرست مندرجہ ذیل ہے:
 بہت زیادہ یا بہت کم کھانا
دوستوں اور رشتہ داروں سے کنارا کشی اختیار کر لینا
ٹیلی ویژن یا کمپیوٹر کے ساتھ ضرورت سے زیادہ وقت خرچ کرنا
خود کو پرسکون رکھنے کے لئے سگریٹ، ادویات یا منشیات وغیرہ کا سہارا لینا
زیادہ وقت بستر میں گزارنا
اپنے غصے کو دوسروں پر نکالنا
سوالنامہ۔

اپنا ذہنی دباؤ چیک کریں  
1۔ آپ اپنے کھانے پینے کی طرف سے لاپرواہ ہیں
2۔ ہر کام خود کرنے کی کوشش کرتے ہیں
3۔آپ کے خیال میں کام کرنے کا ایک ہی طریقہ ہے اور وہ آپ ہی کو پتہ ہے
4۔بہت کم لوگوں پر بھروسہ کرتے ہیں
5۔ہاں میں ہاں نہ ملانے والوں سے ملنا پسند نہیں کرتے
6۔بہت کم لوگوں سے بے تکلفی ہے یا دوستانہ تعلقات ہیں
7۔ بہت کم آرام کرتے ہیں
8۔

بہت جلدی غصہ آجاتاہے
9۔ بات کا بتنگڑ بنا لیتے ہیں
10۔آپ کے اکثر کام دوسروں کی وجہ سے خراب ہوتے ہیں  
جوابات کا تجزیہ:
4 یا 4 سے کم مثبت جوابات۔آپ کا ذہنی دباؤ اپنی حدود میں ہے
5 سے 6 مثبت جوابات۔ لمحہ فکریہ
7 سے 8 مثبت جوابات۔خطرناک صورتِ حال
9 سے 10مثبت جوابات۔ ایمرجینسی