حقیقی قربت یا نظروں کا دھوکا

انسان کی زندگی میں بے شمار لوگ شامل ہوتے ہیں کچھ لوگ آغاز سے اختتام تک ساتھ نبھاتے ہیں جب کہ کچھ لوگ فصلی بٹیروں کی طرح آتے ہیں اور چلے جاتے ہیں زندگی درحقیقت ایک تغیر ہے اس لیے آپ کی زندگی میں لوگوں کا آنا جانا لگا رہتا ہے لیکن کیا یہ آسان ہوتا ہے؟ کیا آپ یہ تفریق کر پاتے ہیں کہ آپ کو کس سے قربت ہے اور کیا نظروں کا دھوکا ہے؟ آج اس فرق کو جانچنے کی کوشش کرتے ہیں
قربت اس طرح ہوتی ہے کہ آپ ایک دوسرے سے منسلک ہو جائیں خود کو ایک دوسرے سے جدا نہ سمجھیں ایک دوسرے کی باتیں ہی نہیں جذبات بھی سمجھیں کیوں کہ جذبات کا تعلق دل سے ہوتا ہے اور اگر جذبات کو ٹھیس پہنچے تو دل ٹوٹ جاتا ہے اور جب دل ٹوٹ جائے تو اسے جوڑنا آسان نہیں ہوتا اور قربت دم توڑ دیتی ہے
آپ کی زندگی میں کئی لوگ داخل ہوتے ہیں ان میں سے کچھ لوگ تھوڑے عرصے میں اتنے مقدم ہو جاتے ہیں کہ ان کی وجہ سے آپ ان کی وجہ سے ان لوگوں سے بھی لڑ جاتے ہیں جن سے برسوں کا یارانہ ہو ان لوگوں کی دو اقسام ہوتی ہیں پہلے حصے میں ان لوگوں کو بیان کریں گے جو حقیقتاً قریب ہوتے ہیں
جو لوگ حقیقی طور پر آپ کے قریب ہوتے ہیں وہ آپ کی عزت نفس کا خیال رکھتے ہیں وہ کسی بھی غلط فہمی پر آپ کے کردار پر کسی بھی طرح انگلی نہیں اٹھاتے نہ آپ پر شک کرتے ہیں آپ جو کہہ دیں اس پر یقین رکھتے ہیں کیوں کہ قربت دل سے ہوتی ہے نہ کہ زبان سے
حقیقی قربت والے لوگ آپ کی حدود ، مجبوریوں اور مشکلات کو سمجھتے ہیں وہ کبھی ان حدود سے باہر نہیں جاتے جو حدود آپ نے مقرر کی ہوں جن حدود میں آپ رہتے ہوں وہ ان کا مسکن ہوتا ہے وہ آپ کے جذبات، کردار اور عزت نفس کا حد درجہ احترام کرتے ہیں
حقیقی قربت رکھنے والے لوگ ہمیشہ دل سے آپ کے ساتھ جڑے رہتے ہیں یہ کسی کے سامنے آپ کے خلاف بولا جانے والا ایک لفظ برداشت نہیں کر سکتے آپ میں اور خود میں فرق نہیں کرتے یہ لوگ وقت آنے پر کسی بھی قسم کی قربانی سے دریغ نہیں کرتے
اب ہم بات کرتے ہیں نظروں کے دھوکے کی لوگ زندگی میں داخل ہوتے ہیں آپ کی عادت بن جاتے آپ انہیں خود کا خیر خواہ اور چاہنے والا سمجھتے ہیں لیکن آپ ان کی نظروں میں کچھ اہمیت نہیں رکھتے آپ ان کو انجان لگتے ہیں
بقول شاعر:
یہ لوگ آپ کے جذبات سے کھیل جاتے ہیں آپ ان کی نہیں وہ آپ کے لیے اہم ہوتے ہیں بالآخر وہ اپنی خاطر آپ کو چھوڑ جاتے ہیں اور آپ تنہائی کے مسافر بن جاتے ہیں
بقول شاعر:
یہ وہ لوگ ہوتے ہیں جو آپ کی زندگی سے کھیل جاتے ہیں یہ آپ کی زندگی عذاب کر دیتے ہیں ان کی وجہ سے جینا محال ہوتا ہے یہ وہ لوگ ہوتے ہیں جن کی وجہ سے آپ اپنوں کو چھوڑتے ہیں اور یہ آپ کو
سب لوگوں سے گزارش ہے کہ اپنے اردگرد لوگوں کو جانیں کون آپ کا اپنا ہے کون غیر ہے کون آپ سے قربت رکھتا ہے کون فصلی بٹیرا ہے تا کہ آپ دکھوں سے بچ سکیں۔