مرد بحران عمران خان

عمران خان جب سے وزیراعظم پاکستان کے منصب پر فائز ہوئے ہیں مشکلات نے انہیں چاروں طرف سے گھیر رکھا ہے وہ ایک مشکل سے نکلتے ہیں تو دوسری مشکل ان کے سامنے کھڑی ہو جاتی ہے عمران خان کو مشکلات سے انتہا کا پیار ہے مشکلات ہمیشہ عمران خان کے راستے میں آتی رہیں ہیں لیکن یہ مشکلات کبھی عمران خان کی راہ میں رکاوٹ نہیں بن سکی مشکلات عمران خان کو پہلے سے زیادہ مضبوط بناتی آئی ہیں عمران خان مضبوط اعصاب کے مالک ہیں مشکلات کو ہرانے کا فن بخوبی جانتے ہیں
عمران خان کے وزیر اعظم بنتے ہی جو پارلیمنٹ سیشن ہوا تھا اس میں وزیراعظم عمران خان کی تقریر کے دوران اپوزیشن نے ہنگامہ برپا کرنے کی کوشش کی اپوزیشن کے شور شرابہ کے باوجود عمران خان نے تقریر جاری رکھی اور اسے پورا کیا یہ جرات بس عمران خان کر سکتا ہے
حکومت کا آغاز ہوا تو عمران خان کو معاشی اور انتظامی مسائل کے ساتھ ساتھ اپوزیشن کا بھی سامنا تھا حکومت بننے کے کچھ عرصہ بعد اپوزیشن جماعتوں نے مولانا فضل الرحمان کی قیادت میں آزادی مارچ شروع کیا جس کا مقصد عمران خان سے آزادی حاصل کرنا تھا توقع کی جا رہی تھی کہ حکومت اس مارچ پر طاقت کا استعمال کر کے اسے دبا دے گی لیکن ایسا نہ ہوا عمران خان نے ایک زبردست حکمت عملی تیار کی اور مارچ کو نہ روکا ایسا پاکستان کی تاریخ میں شاید پہلی بار ہوا تھا کہ حکومت کے خلاف مارچ کو کسی بھی قسم کی رکاوٹ کا سامنا نہیں کرنا پڑا تھا بالآخر وہ مارچ اپنی موت آپ مر گیا کیوں کہ ان کے پاس مارچ کو طول دینے کی کوئی وجہ نہ تھی اور اگر مارچ طوالت پکڑتا تو اس کا نقصان اپوزیشن کو ہی پہنچتا اس طرح اس میدان میں عمران خان نے کامیابی حاصل کر لی
جب اپوزیشن جماعتوں نے چیئرمین سینیٹ کو تبدیل کرنا چاہا تو حکومت کے لیے ایک اور مشکل سامنے آ گئی اگر ایوان بالا سینیٹ کی چیئرمین شپ اپوزیشن کے ہاتھ چلی جاتی تو قانون سازی انتہائی مشکل ہو جاتی چیئرمین سینیٹ کو ہٹانے کے لیے اپوزیشن کو 53 ووٹ چاہیے تھے اور انہیں یہ اکثریت حاصل تھی لیکن جب ڈالے گئے ووٹوں کی گنتی ہوئی تو اپوزیشن کے ووٹ 53 سے کم نکلے یوں عمران خان کی قیادت میں حکومت نے اپ سیٹ کر دکھایا اور حکومت کی ساکھ بچا لی
وزیراعظم عمران خان کے لیے سب سے بڑی مشکل تب کھڑی ہوئی جب سینیٹ الیکشن میں وفاق کی نشست پر حکومتی امیدوار عبدالحفیظ شیخ کو شکست ہوئی اس شکست نے وزیراعظم پاکستان کی زیر قیادت وفاقی حکومت کی اکثریت پر سوال اٹھا دیے وزیراعظم عمران خان نے تمام سوالات کا جواب دینے کے لیے اعتماد کا ووٹ لینے کا فیصلہ کیا اور قومی اسمبلی میں یہ ثابت کیا کہ اکثریت تحریک انصاف کی ہے اس طرح اس مسئلہ کا بھی خاتمہ ہو گیا
حالیہ مشکل وزیراعظم عمران خان کے سامنے ابھی آئی جب حکومت نے اوور سیز پاکستانیوں کو ووٹ کا حق دینے کا فیصلہ کیا اور آئندہ انتخابات کو ای وی ایم مشینوں کے ساتھ کرانے کا فیصلہ کیا گیا اس سلسلے میں قانون سازی کے لیے حکومت اور اپوزیشن کے مابین سخت مقابلہ متوقع تھا اگر اتحادی حکومت کا ساتھ نہ دیتے تو حکومت کے لیے قانون سازی کرنا بالکل نا ممکن تھا لیکن عمران خان کی شاندار سیاسی حکمت عملی کے باعث تمام اتحادیوں نے اور حکومت کے تمام ارکان اسمبلی نے ای وی ایم مشین الیکشن میں استعمال کرنے کے حق میں ووٹ دیا اور اس طرح یہ قانون سازی ہو گئی پاکستان کا سالوں پرانا انتخابات کروانے کا نظام تبدیل ہو گیا اور عمران خان نے ایک اور مشکل کو حل کر کے کامیابی کو اپنا مقدر بنایا
معاشی مشکلات ابھی بھی وزیراعظم عمران خان کے سامنے ہیں ماہرین سیاست کے مطابق اگر عمران خان ملک کے معاشی حالات بہتر کرنے میں کامیاب ہو جاتا ہے تو اگلے الیکشن میں عمران خان کو کوئی نہیں ہرا سکے گا اب معاشی حالات صحیح ہوتے ہیں یا نہیں اس کا تو کچھ نہیں کہا جا سکتا لیکن عمران خان کی زندگی کو دیکھتے ہوئے یہ بآسانی کہا جا سکتا ہے کہ وہ معیشت بہتر کرنے کے لیے ہر حد تک جاۓ گا عمران خان اس بحران کو بھی شکست دے گا عمران خان ہمیشہ مرد بحران کے لقب سے لوگوں کی نظروں میں رہیں گے۔