خوشی اور انسان

انسان کی زندگی کا خطرناک اور اہم فیصلہ یہ ہوتا ہے کہ وہ اپنی خوشی اپنی ذات سے منسلک کرتا ہے یا اپنی خوشی کے لیے دوسروں کی جانب دیکھتا ہے یہ بات تو واضح ہے کہ اگر وہ اپنی خوشی کسی بھی دوسرے شخص سے منسلک کرے گا تو وہ ہمیشہ اس میں ناکام ہو گا کیوں کہ یہ خوشی نہیں ملتی چند روز آپ کے لیے کوئی میسر ہوتا ہےکہ تو اس کا یہ مطلب نہیں کہ آپ اپنی خوشی اس سے منسلک کر لو اس طرح آپ نہ صرف خود پر ظلم کرتے ہیں بلکہ سامنے والے سے توقعات باندھ کر اس پر بھی ظلم کرتے ہیں اس دنیا میں کوئی بھی شخص دوسرے کو خوشی دینے کے لیے نہیں ہوتا سب کو اپنی خوشی سے غرض ہوتی ہے کسی شخص سے کوئی منسلک ہوتا ہے اور اپنی خوشی اس سے جوڑ دیتا ہے تو یہ خوشی جوڑنے والے کی غلطی ہے نا کہ دوسرے شخص کی اسے اس بات سے فرق نہیں پڑتا کہ کسی کی خوشی اس سے جڑی ہے وہ اپنی دنیا میں اپنی زندگی جیتا ہے
انسان نا چاہتے ہوئے بھی وہ عمل سر انجام دیتا ہے جو اس کی خوشی کو محدود مگر دلچسپ بناتا جاتا ہے انسان نئے رشتے بناتا ہے ایسے رشتے جہاں نا چاہتے ہوئے بھی انسان سب کر گزرتا ہے انسان خود سے جھوٹ بولتا ہے کہ نہیں میرا اس شخص سے کوئی ایسا رشتہ نہیں میرا اس شخص سے اس طرح کا کوئی واسطہ نہیں لیکن وہ غلط ہوتا ہے وہ اپنی خوشی اس رشتہ سے منسلک کر چکا ہوتا وہ اس رشتہ کو عزیز بنا چکا ہوتا ہے اتنا عزیز کہ اگر گمان میں بھی آئے کہ یہ رشتہ ٹوٹ جاۓ گا تو انسان خود کو توڑنا شروع کرتا ہے تب تک توڑتا ہے جب تک وہ گمان ٹوٹ جاۓ وہ رشتہ لوٹ آۓ
خوشی کو قید کرنے کا ایک ہی طریقہ ہے کہ اسے کسی رشتہ سے باندھ دو اور انسان اس میں ماہر ہے انسان خوشی کو رشتہ سے باندھ دیتا ہے اور انتظار کرتا ہے کہ بس مجھے یہی خوشی ملے مجھے اور خوشی چاہیے ہی نہیں میں اپنی زندگی کو اس خوشی سے سنواروں گا جو خوشی اس رشتہ سے ملتی ہے باقی خوشی اس کے لیے معنی نہیں رکھتی وہ کھو چکا ہوتا ان یادوں میں جو اس رشتہ سے اسے ملتی اس کے چھوٹے چھوٹے پہلو سے وہ خوشیاں تلاش کرتا اس کی برائیوں کو نظر انداز کر کے پیار میں تبدیل کرتا اور اسے بھی اپنی خوشی بناتا یہی خوبصورتی ہوتی جب اچھائیوں کے ساتھ برائیاں بھی خوشی دینے لگے کیوں کہ وہ اپنی خوشیاں ایک ہی رشتے سے منسلک کر چکا ہوتا ان محدود خوشیوں میں اضافہ کرنے کے لیے وہ دونوں طرح کی خوبیوں (مثبت/منفی) کو اپنی خوشی بنا لیتا ہے
انسان کب اپنی خوشی قید کر بیٹھتا ہے اس کا اسے پتا بھی نہیں چلتا وہ بس اپنی دھن میں مگن ہوتا ہے سب کچھ ہو جاتا ہے دراصل اسے پتا ہوتا ہے کہ وہ کیا کر رہا ہے لیکن وہ حقیقت سے منہ موڑ لیتا ہے بالکل ویسے ہی جیسے کبوتر بلی کے سامنے انسان فطرتاً لاچار ہے جتنا بہادر بنے جتنا تجربہ کار بنے جتنا علم رکھتا ہو جب وہ اپنی خوشی قید کر بیٹھتا ہے تو اس کی کمزوری اس کے علم،تجربہ اور ذہانت کو مات دے چکی ہوتی ہے اسے اس کا بھی پتا نہیں چلتا کیوں کہ اس ناز ہوتا ہے خود پر کہ میں خود کے متعلق سب سے زیادہ جانتا ہوں میری فطرت میری طاقت ہے جو کہ کمزوری میں بدل چکی ہوتی ہے
اپنی خوشی کو دوسرے سے منسلک کرنا صحیح ہے یا غلط یہ تو دو چیزوں پر انحصار کرتا ہے ایک تو وہ شخص جس کے لیے وہ اپنے آپ کو بھول چکا ہوتا ہے دوسری قسمت جس میں سب لکھ دیا جا چکا ہوتا ہے لیکن ان دونوں چیزوں پر انسان کا اختیار ہوتا ہے اسے اپنے آپ پر کبھی بھی اختیار نہیں کھونا چاہیے اپنے اوپر اختیار کسی دوسرے کو نہیں دینا چاہیے چاہے وہ جتنا اچھا کیوں نہ ہو زندگی میں ایسے لمحات آتے ہیں کہ انسان کو اپنا اختیار خود پر استعمال کرنا پڑتا ہے خود کو سمجھانا پڑتا ہے کہ بس یہاں تک سب تھا آگے اس میں سے کچھ نہیں ہو گا تو رک جا یہیں تک تیری آزادی تھی خوشی پہلے قید ہے اب جذبات کی باری ان جذبات کو بھی قید کرنا ہو گا جن کے نہ سنبھلنے سے خوشی قید ہوئی انہوں نے ظلم کیا خوشی قید کر ڈالی ان کو بھی قید میں جانا ہو گا تا کہ خوشی کو رہائی ملے ایسے حالات میں اگر انسان کا اختیار کسی دوسرے کے پاس ہو تو وہ لاوارث بن جاتا ہے وہ نا خود خوش رہتا ہے نا وہ جن کی خوشی ان سے جڑتی ہے انہیں تو نہیں پتا ہوتا نا کہ اس کی خوشی قید ہے انہیں اپنی خوشی چاہیے ہوتی ہے ان کی خوشی بھی قید میں کھو جاتی ہے وہ بھی خالی ہاتھ رہ جاتے ہیں