کھا گیا کورونا کیسے کیسے اسکینڈل

وزیراعظم صاحب جو کہ تبدیلی کے نعرے کے ساتھ الیکشن کے میدان میں آئے اور اس نعرے کی وجہ سے ہی وہ الیکشن جیتنے میں کامیاب ہوئے  وزیراعظم صاحب اپنی تبدیلی کے نعرے کو سچا ثابت کرنے کی جدوجہد میں بھی لگے ہوئے ہیں مگر پاکستان کے مسائل ہیں جو ختم ہونے کا نام ہی نہیں لیتے ابھی ہم اپنی معیشت کو سبنھالنے میں لگے ہی ہوئے تھے کہ کورونا وباہ نے ہمیں جکڑ لیا۔

    
کورونا جو پورے گرہِ ارض پر دہشت جمائے ہوئے ہےجس نے پوری دنیا میں ہزاروں لوگوں کی جانیں لے لی اور ابھی تک لے بھی رہا ہے جہاں پر بھی کورونا پہنچا اس ملک کی معیشت کو تو ایسے بریک لگائی جیسے کسی چلتے پہیہ کو بریک لگ جاتی ہے اور زندگی کو مفلوج کر کے رکھ دیا۔
مگر پاکستان میں کورونا نے دوسرے ملکوں کی نسبت معیشت کو تو نقصان دیا جو کہ پہلے ہی بیساکھیوں کے سہارے چل رہی تھی بپچاری۔

(جاری ہے)

وہیں پر کئی اسکینڈل بھی یہ کورونا ہڑپ کر گیا۔
جی ہاں! فروری کے مہینے میں جب چینی اور آٹے کا بہران آیا تو وزاعظم صاحب نے ایف۔ ائی۔ اے کو  ملک میں چینی اور آٹے کے بحران سے متعلق  مکمل تفتیش کر کے رپورٹ جمع کروانے کے احکامات صادر کیے تھے۔ اس بہران کی وجہ سے ملک میں آٹا 70 روپے کلو فروخت ہوتا رہا ہے
اپریل کے مہینے میں روپورٹ آئی تو چور گھر میں ہی پائے گئے اور وزیراعظم صاحب کے کچھ قریبی ساتھی اس میں ملوث نکلے اور ایسے ساتھی جو  آزاد ارکان کو اپنے ذاتی جہاز میں بیٹھا کر عمران خان سے ملاقات کے لیے بنی گالا لے کر آتے اور جاتے رہے تھے۔

ان کے نام سامنے آنے پر وزاعظم صاحب نے دلیری کا کام کیا اور رپورٹ تو پبلک کروا دی اور اس بات پرداد کے بھی مستحک ہیں اور پاکستان کے عوام کو بتا بھی دیا گیا کہ آپ پر بہت ظلم ہوا ہے۔
    ابھی آٹے اور چینی کی رپورٹ پربحث و مباحثہ ہو ہی رہا تھا تو آئی۔پی۔ پیز کا اسکینڈل سامنے آ گیا  اس اسکینڈل میں جو رپورٹ پیش کی گئی اس کے مطابق حکومتی خزانے کو13 سالوں میں 4 ہزار 802 ارب کا نقصان ہوا
  اس اسکینڈل میں بھی  پاکستان کی غریب عوام کو سب سے زیادہ نقصان ہواہاں مگر جن کو فائدہ ہوا اُن کو 50 سے 70 فیصد ہوامگر اس دفعہ بھی حکومت نے پاکستان کی غریب مگر ہمت وحوصلہ سے سرشار عوام کو بتایا کہ صرف آپ کے ساتھ نہیں حکومت کے ساتھ بھی دو دو ہاتھ ہوئے ہیں۔

پس ابھی ان اسکینڈلز کے آخری نتائج آنے ہی والے تھے کہ پھر یوں ہوا کورونا آ گیا کورونا نے آتے ہی پورے ملک کی مشکل سے چلنے والی معیشت کو مزید مشکل میں ڈالا اور ساتھ ہی ساتھ ان اسکینڈلز میں ملوث افراد کو بھی ان اسکینڈلز سے بھی چھٹکارا دلایا ۔ کورونا جس نے پاکستان کے غریب کو مزید غربت کی چکی میں روندا وہاں پھر کچھ لوگوں نے اس کو "تھینگ یو" بھی کہا کہ آپ نے ہمارے اسکینڈل کو پاکستان کے غریب عوام کے پیسے کی طرح کیا خوب ہڑپ کیا ہے۔۔