امیدیں

کچھ ایسے راستے جہاں  پاؤں نہیں دل تھک جاتے  ہیں یہ وہی لوگ جانتے ہیں جو ان راستوں پہ چل نکلے  ہیں جہاں کی منزل   وہ درحقیقت  نہ  چاہتے  یا  پھر کچھ مجبوریاں ہیں  جو انہیں مجبور کرتی  ہیں ان  راستوں پہ چلنے  کے  لیے بعض اوقات  انسان خود  نہیں  جانتا  کہ  وہ جا کہاں رہا  کہ بظاہردیکھنے  میں تو وہ بہت خوش نظر آتا ہے اورلوگ سمجھتے ہیں کہ  اُس سے بہتر  زندگی  تو کوئی نہیں  گزار رہا  پر سچ صرف وہ انسان جان جانتا ہے جو اس سفر سے گزر رہا ہوتا ہے۔

روز  صبح اٹھ کے چہرے پہ  بنا وٹ  کی  مسکراہٹ  سجا لینا  پھر  رات کو بالکل ٹوٹ جانا اپنے رب  کے آگے  کیونکہ کہ اُس کو بتانے کا فائدہ یہ ہے کہ وہاں  سب  باتیں پہلے سے پتہ ہوتی ہیں تفصیل نہیں بتانی پڑتی۔

(جاری ہے)

کچھ باتیں جو انسان چاہ کر بھی بول نہیں پاتا۔ لفظ زبان پہ آتے نہیں۔ وہ بھی وہ پاک ذات سمجھ جاتی ہے۔  اور وہاں سے کبھی یہ نا امیدی  نہیں ہوتی کہ جواب نہیں آئے گا بلکہ ایک وہی جگہ ہے جہاں سے جواب ضرور آتا ہے۔

جب سر جھکتا ہے سجدے میں تو سکون  دل میں اترتا ہے کہ ہاں سن لی  میں نے تمہاری سب، صرف یہی امید ہے جینے کی یہی حوصلہ  دیتی ہے پھر صبح  اٹھ کے ایک لمبا سفر شروع ہو جاتا ہے پتا نہیں ہمارے  ارد گرد  کتنے لوگ ہیں  جو ایسے ہی  جی رہے ہیں ہم توصرف ان کے  ہنستے چہرے دیکھ پاتے  ہیں پر دلوں کو نہیں۔  کوئی کس مجبوری میں گھر سے نکلتا ہے ہمیں نہیں پتہ کسی کے آگے اس کے بچوں کے چہرے آتے ہیں  تو کسی کے آگے ماں باپ کے، پھر یہی سب  آپ سے جڑی دوسروں  کی امیدیں،  آپ کو نہ جانے  کب   بڑا  بنا دیتی ہیں  کہ آپ  کو خود پتہ نہیں چلتا کہ آپ کب  کہاں سے کہاں تک چلے گئے، کتنا مشکل ہے نہ خود کو مار کے دوسروں کی خوشیوں کو پورا کرنا، پر کر  تو ہر کوئی یہی رہا ہے پھر خود حوصلہ  آجاتا ہے  اور  ایک خدا  کا آسرا جو ہمیں پھر ان راستوں  پے  چلنے کو ہمت دیتا  ہے  جن میں  ہم خود  نہیں بلکہ ہماری مجبوریاں ہمیں چلاتی ہیں۔

  شاید یہی وہ راستے ہیں  جہاں چلتے  چلتے کب بال سفید ہو جاتے ہیں پتہ نہیں چلتا پتا تب چلتا ہے  جب کوئی اپنا کہتا ہے  کہ کِیا کَیا ہے تم نے میرے لیے۔ تب احساس ہوتا ہے  کہ خود  کو مار  کے اپنوں  کی خواہشات پوری  کرتے کرتے جب خود بھی خوش ہوتے تھے کہ چلو یہ تو خوش ہیں ، وہ سب کسی کی نظر میں کچھ بھی  نہیں اور ہو بھی  کیوں کسی کی نظر میں کیوں کہ  آپ نے کون سا  ان سے  کوئی قربانی مانگی  تھی آپ نے  تو خود کو جلایا ہے نا۔

تو وہ تو نہیں  نظر آئے گا کسی کو ہم بھی ہوتے کتنے پاگل ہیں صلہ چاہتے ہیں وہ بھی  کس سے  جن کے لئے سب قربان کیا وہ جو دن رات ہمیں پکارتا ہے کہ آو میرے پاس میں دوں گا۔ تو ہم خود نہیں جاتے نہ اس کے پاس اور گلہ بھی کرتے ہیں غلط ہم خود ہوتے ہیں شروعات ہی ہماری غلط ہوتی ہے شاید یہاں سے وہ ہمارے دل تھکا دیتا ہے۔  کہ سمجھ جاؤ، میری طرف آ جاؤ۔ پھربھی  ہم نہیں جان پاتے کہ اسی کی راہ میں تو سکون ہے، وہاں سے ہی توصلہ ملتا ہے کاش کہ ہم کبھی سمجھ جائیں کہ ہمیں اُمیدیں کسی سے نہیں اللہ سے لگانی چاہیے۔ بس اللہ سے