کشمیر بنے گا پاکستان۔100 لفظوں کا کالم

جمعہ 30 اگست 2019

اللہ بخش آج پھر خالی پیٹ پلی پرآ کر بیٹھ گیا
اس کی آنکھوں میں اپنے دونوں بچوں کی بھوک محو رقص تھی
بیوی نے بچوں کے اٹھنے سے پہلے ہی باپ کومزدوری پربھیج دیا
ساتھ ہی آنسووں بھرے ہاتھ اٹھائے’’ خدایا،تیری خدائی سے دو نوالوں کاسوال ہے‘‘
اللہ بخش نے دور ایک بڑی گاڑی کو آتے دیکھا ۔

(جاری ہے)

۔۔
ایک صاحب گاڑی سے اترے اور پچاس ساٹھ مزدور اکٹھے کئے
پیشگی ہی مزدوری دی اور ساتھ ہی کیمرا مین کو تیار رہنے کا حکم صادر کیا
اللہ بخش مزدوری جیب میں ڈال کرآگے بڑھا اور نعرہ لگایا
’’ کشمیر بنے گا پاکستان‘‘

ادارہ اردوپوائنٹ کا کالم نگار کی رائے سے متفق ہونا ضروری نہیں ہے۔