آزادکشمیر عدلیہ کو درکار سفارشات اور خلق کی مجبوریاں؟

بدھ مئی

Tahir Ahmad Farooqi

طاہر احمد فاروقی

چیف جسٹس آزاد جموں وکشمیر جسٹس ابراہیم ضیاء نے سپریم کورٹ ہائی کورٹ ڈسٹرکٹ بار ایسوسی ایشنز پر مشتمل ایک کمیٹی تشکیل دی ہے جو عدالتی نظام کے حوالے سے وکلاء کی تجاویز لیکر اپنی سفارشات مرتب کریگی یہ ہدایت بہت پہلے بھی جاری کی گئی مگر بار ایسوسی ایشنز کی طرف سے پیش رفت نہ ہوئی اب ایک بار پھر اس کا اہتمام کیا گیا ہے اب یہ وکلاء قیادت کا فریضہ ہے وہ عدالتوں کی حرمت اپنے وقار کے تقاضوں کو شایان شان تقاضوں سے ہمکنار کرنے کیلئے پہلی فرصت میں رضا الٰہی کے مقصد کو بنیاد بناتے ہوئے نیک نیتی سے قابل عمل سفارشات دیں جن کی بنیادیں عدالتوں میں انصاف کے حصول کے لیے آنے والے لوگ ہیں ان کو سستا فوری انصاف مہیا ہو اور رب کے حضور اس کے معاون مدد گار ثابت ہونے والوں کو نجات راہ کے مقام نصیب ہوں یہ اللہ رسول قرآن کا فرمان سب خاص عام جانتے ہیں کہ اللہ اور اس کے رسولؐ کی بارگاہ میں پرہیز گار کا مقام بلند ہے اور یہی معیار دنیا میں منصب اختیار مقام کے انتخاب کا حصول ہے یعنی اللہ رسول قرآن کی تعلیمات کے مطابق ناصرف عبادات بلکہ خلق خدا کے حقوق کی پابندی کرنے والا نیک متقی پرہیز گار ہے مگر متقی پرہیز گار سے بھی بلند مقام انصاف کرنے والے کا ہے یہ انصاف کا فریضہ پورا کرنا ہر حال میں منصف یعنی ججز کا امتحان ہے تو ملک کے حکمران حکمرانی میں شامل وزیر‘ مشیر‘ ممبر اسمبلی سے لیکر آفیسرز ملازمین سمیت علماء‘ اساتذہ‘ صحافی‘ وکلاء‘ تاجر ہر ہر سطح اور شعبہ زندگی کے ہر فرد پر اجتماعی‘ انفرادی سطح پر بھی عائد ہوتی ہے مگر یہ المیہ ہے کہ ہر کوئی دوسرے کیلئے اس کے جرم غلطی پر انصاف کا بہت بڑا حامی نظر آتا ہے مگر اپنی غلطی جرم پر انصاف نہیں چاہتا ہے اپنی بوٹی کی حرص میں پوری گائے حرام کرا کر معاشرتی نظر نہ آنے والا عذاب سوار کرنے کا بطور ظالم شریک ظلم کردار بنا ہوا ہے جس کا اثر تمام اداروں‘ شعبہ جات پر فولادی طاقت بن کر سب کو جکڑے ہوئے ہے گو کہ سپریم کورٹ‘ ہائیکورٹ کی سطح پر اصلاحات کے حالیہ عرصے کی کوششوں سے بڑی اُمیدیں روشن ہوچکی ہیں تو جوڈیشل کمپلیکس سمیت دیگر ضروریات کے حوالے سے عملی اقدامات نظر آنا شروع ہو چکے ہیں جس کے بعد عدلیہ کا آخری ماتحت تک انصاف کے حقیقی تقاضوں کے مطابق کارکردگی کا معیار سب سے زیادہ ناگزیر ہے جس کے لیے سب سے زیادہ فعال کردار عدلیہ کے دست بازو وکلاء ادا کر سکتے ہیں ناصرف یہ کہ عام آدمی کو فوری انصاف ملے اور اس کا اگر بہت ہی پیچیدہ سنگین مقدمہ بھی ہو تو 6 سے دس ماہ میں فیصلہ ہو جائے جو بالا عدالتوں میں جا کر سال کے اندر یکسو ہو تو سرکاری نظام سے جڑے مقدمات بھی ریاست کے خزانے کے بطور امانت تقاضے اور عوامی فلاح کے پیش نظر بغیر تاخیر فیصلے کیے جائیں جن میں سستی سرکارکے خزانے سے لیکر عام آدمی کیلئے عذاب بن جاتی ہے جس کی بے شمار مثالیں ہیں لنگر پورہ سٹیلائٹ ٹاؤن 20 فیصد کا مقدمہ جس کے باعث سیکڑوں غریب لوگوں کے گھر تعمیر کرنے کا خواب چکنا چور ہو چکے ہیں کہ مہنگائی کے طوفان سر اٹھانے نہیں دے رہا ہے تو اس کی آڑ میں سرکار اس کے اداروں کے اندر باہر مافیا کے گٹھ جوڑ غریبوں کو انکے پلاٹ فروخت کر کے لوٹ مار مچائے ہوئے ہیں میڈیکل کالج سمیت ترقیاتی منصوبہ جات بھی تاریخوں کی بھینٹ چڑھ کر حرص لالچ کے زمینوں ٹھیکوں سے منسلک مافیا کی چاندی چل رہی ہے تو واک وے جیسے شہر کو کئی بار سیلابوں کی بربادی سے بچانے والے کردار گندگی کا ڈھیر بنا ہے مگر ایک حکم امتناعی اس کی بحالی میں پل صراط بن چکا ہے جھوٹی گواہی سے لیکرمعروف اور سامنے سامنے مافیا کی شہرت یافتہ عناصر غریب کی مجبوری کا فائدہ اٹھا کر اجتماعی ترقی فلاح سمیت مجموعی معاشرتی وقار کی راہ میں رکاوٹ ہیں یہی حال احتساب کا ہے کرپشن کرنے والے میرٹ پامال کر کے رٹ پٹیشن کے برقع اوڑھ کر جن بھوتوں کی طرح نظام کو برباد کیے ہوئے ہیں تو بلدیاتی انتخابات سے لیکر اجتماعی وقار احترام فلاح کے ضامن فیصلوں پر بھی کیسوں کا غبار عدالتی وقت کا ضیائع بلکہ اس کی شہرت اتھارٹی پر سوال بن کر گونجتے ہیں جن کی طرف سنجیدگی سے توجہ دیتے ہوئے باعمل کردار کو یقینی بنائے ہیں عدلیہ کے چیف جسٹس صاحبان وکلاء حضرات کو متقی پرہیز گار سے بلند مرتبے انصاف کا مدد گار بن کر دینا آخرت کو آسان بنانا چاہیے تو یقینا وہ راحت سکون جو ساری دنیا کی دولت محلات بنا کر نہیں خریدا جا سکتا ہے وہ انصاف کا داعی بن کر رب سے آسانی سے حاصل کیا جا سکتا ہے۔

(جاری ہے)


اب تو دشوار ہوا جاتا ہے زندہ رہنا
بندگان خدا کو دستار انصاف دیا جائے
© جملہ حقوق بحق ادارہ اُردو پوائنٹ محفوظ ہیں۔ © www.UrduPoint.com

تازہ ترین کالمز :

Your Thoughts and Comments

Urdu Column Azad Kashmir Adliya Ko Darkar Sifarishaat Column By Tahir Ahmad Farooqi, the column was published on 22 May 2019. Tahir Ahmad Farooqi has written 8 columns on Urdu Point. Read all columns written by Tahir Ahmad Farooqi on the site, related to politics, social issues and international affairs with in depth analysis and research.