صدر مملکت ممنون حسین کراچی، تحریک انصاف کے سربراہ عمران خان این اے 53 اسلام آباد،

مسلم لیگ (ن) کے صدر شہباز شریف آبائی حلقہ این اے 132، بلاول بھٹو زرداری این اے 200 لاڑکانہ ، سابق وزیراعظم شاہد خاقان عباسی این اے 57 مری میں اپنا حق رائے دہی استعمال کریں گے

منگل 24 جولائی 2018 17:57

صدر مملکت ممنون حسین کراچی، تحریک انصاف کے سربراہ عمران خان این اے ..

اسلام آباد ۔ (اُردو پوائنٹ اخبارتازہ ترین - اے پی پی۔ 24 جولائی2018ء) عام انتخابات 2018ء میں قومی قائدین اپنے اپنے آبائی حلقوں میں اپنے ووٹ کا حق استعمال کریں گے، صدر مملکت ممنون حسین کراچی میں اپناووٹ کاسٹ کریں گے۔ تحریک انصاف کے سربراہ عمران خان قومی اسمبلی کے حلقہ این اے 53 میں اپنا ووٹ ڈالیں گے۔ مسلم لیگ (ن) کے صدر شہباز شریف اپنے آبائی حلقہ این اے 132 جبکہ بلاول بھٹو زرداری این اے 200 لاڑکانہ میں اپنا ووٹ ڈالیں گے۔

(جاری ہے)

’’اے پی پی‘‘ کے مطابق سابق صدر آصف علی زرداری نوابشاہ میں اپنے آبائی حلقہ میں ووٹ ڈالیں گے۔ سابق وزیراعظم شاہد خاقان عباسی این اے 57 مری، سابق وزیراعظم راجہ پرویز اشرف این اے 58 گوجر خان، متحدہ مجلس عمل کے سربراہ مولانا فضل الرحمن این اے 38 ڈیرہ اسماعیل خان، جماعت اسلامی کے امیر سراج الحق این اے 7 لوئر دیر، عوامی نیشنل پارٹی کے سربراہ اسفند یار ولی خان چارسدہ ولی باغ میں اپنے آبائی حلقہ میں ووٹ ڈالیں گے۔ عوامی مسلم لیگ کے سربراہ شیخ رشید احمد راولپنڈی کے حلقہ این اے 62 میں اپنا ووٹ ڈالیں گے۔ آزاد امیدوار چوہدری نثار علی خان این اے 63 واہ کینٹ میں اپنے آبائی پولنگ سٹیشن چکری میں ووٹ ڈالیں گے۔