&موجودہ حکومت عوامی نہیں جعلی ہے، حکمرانوں نے ملک کادیوالیہ نکال دیا: مولانا عبدالغفور حیدری
ملک کی موجودہ بدترین صورتحال کا ذمہ دار ’’نکے کا ابا‘‘ ہے ، جس ’’نکے‘‘ کو دھاندلی کے ذریعے قوم پرمسلط کیا گیا وہ ’’نکما‘‘ ثابت ہوگیا اپوزیشن کی جماعتیں مصلحت کی چادر اتار پھینکیں تو ان کے لیے بہتر ہوگاورنہ گھروں پر بلاجواز چھاپے اور گرفتاریاں ہوتی رہیں گی آئی ایم ایف کے پاس جانے سے خودکشی کو ترجیح دینے والے آئی ایم ایف کو قدموں میں گرے پڑے ہیں: جیکب آباد میں میڈیا سے گفتگو
اتوار 7 اپریل 2019 19:35
(جاری ہے)
مولانا عبدالغفور حیدری نے مزید کہا کہ موجودہ حکومت مکمل ناکام ہوچکی ہے، نااہلوں کو حکومت دینے والے بھی اب ان سے تنگ آچکے ہیں، جھوٹے دعوؤںاور جھوٹ پر حکومت چلانے کی کوشش کی جارہی ہے ، ایک کروڑ نوجوانوں کو نوکریاںدینے اور 50لاکھ مکانات بنانے کا دعویٰ کیا گیا تھا مگر حکمرانوں نے لاکھوں لوگوں کو بے روزگار اور بے گھر کردیا ہے ، تجاوزات کے نام پر غریبوں کے گھروں، دوکانوں کو مسمار کیا گیا، میڈیا سے تعلق رکھنے والے ایک لاکھ سے زائد افراد کو بے روزگار کیا گیا، انہوں نے کہا کہ آئی ایم ایف کے پاس جانے سے خودکشی کو ترجیح دینے والے آئی ایم ایف کو قدموں میں گرے پڑے ہیں ، نااہل حکمرانوں نے ملک کا دیوالیہ نکال دیا ہے مہنگائی کے طوفان نے عوام کا جینا محال کردیا اور غریب سے قوت خرید چھین لی ہے گیس، بجلی، پیٹرول، ادویات کی قیمتوں میں بے تحاشہ اضافہ کیا گیا ہے ، انہوں نے کہاکہ جے یو آئی نے ایک دن کے لیے بھی جعلی حکومت کو تسلیم نہیں کیا ، جعلی حکومت کے خلاف جے یو آئی نے 10ملین مارچ کئے ہیں اور جلد اسلام آباد کی طرف پیش قدمی ہوگی،ہماری اسلام آباد کی طرف پیش قدمی سے پہلے ہی حکومت کا خاتمہ ہوجائے گا، ایک سوال کے جواب میں انہوں نے کہا کہ اپوزیشن نے مصلحت کی چادر اوڑ ھ لی ہے اگر اپوزیشن نے مصلحت کی چادر نہیں اتاری اور جے یو آئی کا ساتھ نہیں دیا تو ان کے گھروں پر بلاجواز چھاپیلگتے رہیں گے اور گرفتاری بھی ہونگی آج بھی وقت ہے اپوزیشن ہوش کے ناخن لے ورنہ اپوزیشن کے ساتھ 100جوتے اور 100پیاز والا کام ہوگا، مولانا حیدری نے کہا کہ وزیر اطلاعات فواد چوہدری نے مولانا فضل الرحمن کے خلاف جو زبان استعمال کی ہے اس پر قوم سے معافی مانگیں ، فواد چوہدری جنرل مشرف ، چوہدری شجاعت ، پیپلز پارٹی کے بعد اب عمران خان کے ترجمان بنے ہوئے ہیں جن لوگوں کا کوئی وژن نہیں وہ مولانا فضل الرحمن کے خلاف زبان درازی کررہے ہیں، انہوں نے کہا کہ فواد چوہدری کے خلاف قومی اسمبلی اور سینٹ میں آواز اٹھائی جائے گی ، انہوں نے کہا کہ موجودہ حکومت 4ووٹوں پر قائم ہے اگر سردار اختر مینگل نے اپنا ہاتھ کھینچ لیا اور ایم کیو ایم نے آنکھیں دکھائی تو حکومت گر جائے گی۔
مزید قومی خبریں
-
بین الاقوامی مالیاتی فنڈ کے ساتھ نئے پروگرام کیلئے مئی تک خدوخال پراتفاق رائے کی امید ہے، بین الاقوامی ڈیٹ مارکیٹ میں واپسی کیلئے پاکستان نے ریٹنگ کی بین الاقوامی ایجنسیوں کے ساتھ بات چیت شروع ..
-
سپریم کورٹ نے جاسوسی کے مبینہ ملزم محمد دین کی درخواست ضمانت خارج کردی
-
بانی پی ٹی آئی کی تین مقدمات میں عبوری ضمانت میں توسیع
-
رمضان شوگر مل کیس: حمزہ شہباز کی ایک روزہ حاضری معافی کی درخواست منظور
-
چیف جسٹس پاکستان سانحہ ماڈل ٹاؤن کے شہدا کے ورثا کو انصاف دلوائیں : خرم نوازگنڈاپور
-
نوازشریف کے دیرینہ ساتھی مرزا آصف بیگ انتقال کرگئے
-
اوکاڑہ گھریلو ملازمہ مبینہ زیادتی کے بعد قتل
-
عوام بے خوابی سے بچنے کیلئے چائے کا بائیکاٹ کریں،عبد الرحیم جانو
-
لانڈھی دھماکا، وزیر ِداخلہ سندھ کا پولیس کیلئے انعام و اسناد کا اعلان
-
لانڈھی دھماکے کا زخمی دم توڑ گیا، دوسرا وینٹی لیٹر پر منتقل
-
لاہور : تین سرکاری ہسپتالوں کیلئے اربوں روپے کا بجٹ جاری
-
پرائیویٹ اسکیم کے تحت حجاج اکرام کی بکنگ تاحال جاری ہے ختم نہیں ہوئی،طاہر محمود اشرفی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.