صادق آباد ، کھڑی مال گاڑی سے اکبر بگٹی ایکسپریس ٹکراگئی ، 11مسافر جاں بحق اور 80سے زائد زخمی
زخمیوںمیں بعض کی حالت نازک ، ہلاکتوں میں اضافے کاخدشہ ، اکبر ایکسپریس کا انجن مکمل تباہ ، چار چار بوگیاں آپس میں پیوسٹ مقامی لوگوں، پاک فوج کے جوانوں ،ریسکیو 1122اور دوسری ایمبولینسز نے آپریشن میں حصہ لیا، ہسپتال میں ایمر جنسی نافذ حادثے کے مناظر کافی دل خراش ہیں، حادثہ بظاہر انسانی غفلت کا نتیجہ لگتا ہے، اعلیٰ ترین سطحی تحقیقات کا حکم دے دیا گیا ہے، شیخ رشید احمد صدرعارف علوی، وزیراعظم عمران خان اور اپوزیشن لیڈر شہباز شریف اور پیپلز پارٹی کے چیئر مین بلاول بھٹو زر داری کا اظہارافسوس
جمعرات 11 جولائی 2019 15:55
(جاری ہے)
واقعہ کی اطلاع ملنے پر ریسکیو اداروں کے اہلکاروں نے امدادی کارروائیوں میں حصہ لیا ذرائع کے مطابق ریسیکو اہلکاروں نے بوگیوں میں پھنسے افراد کو ہیوی مشینری کی مدد سے ریسیکو کیا،ڈی سی رحیم یارخان جمیل احمد جمیل اور ڈی پی او عمر سلامت رحیم یارخان امدادی کاموں کی نگرانی کررہے تھے ۔
ادھر صادق آباد ہسپتال کے میڈیکل آفیسر کے مطابق 60 سے زائد زخمی ہسپتال لائے گئے ہیں اور جاں بحق افراد کی تعداد گیارہ ہے دوسرے شدید زخمیوں کو شیخ زید ہسپتال رحیم یار خان منتقل کردیا گیا ۔ایڈیشنل جنرل مینیجر ریلوے زبیر شفیع کے مطابق اکبر ایکسپریس کے ڈرائیور عبدالخالق اور اسسٹنٹ ڈرائیور ہسپتال میں زیر علاج ہیں۔زبیر شفیع نے بتایا کہ اکبر ایکسپریس کی 10 میں سے 4 بوگیاں پٹری سے اتری ہیں، حادثے کے بعد اپ ٹریک پر ٹرینوں کی آمدو رفت روک دی گئی تھی تاہم ساڑھے 8 بجے اسے بحال کردیا گیا ۔ادھر عینی شاہدین کے مطابق مسافروں نے بتایاکہ حادثہ صبح 4 بجے کے قریب پیش آیا ، ٹرین میں سوار بیشتر مسافر سو رہے تھے، گاڑی کو حادثہ کانٹا تبدیل نہ کرنے کی صورت میں پیش آیا ہے اسٹیشن والے اپنی ڈیوٹی نہیں کر رہے تھے ورنہ جانی نقصان نہیں ہوتا۔عینی شاہدین نے بتایا کہ ہمیں اپنی مدد آپ ہی بوگیوں سے نکلنا پڑا، حادثہ پیش آنے کے کافی دیر بعد ریسکیو ٹیم جائے وقوعہ پر پہنچی تھی۔حکام نے بتایاکہ مسافروں کے بارے میںمعلومات کیلئے لواحقین کنٹرول روم قائم068.9230109اور موبائل نمبر03009402579پر رابطہ کریں ۔دوسری جانب وزیر ریلوے شیخ رشید احمد نے ٹرین حادثے اور قیمتی جانوں کی ہلاکتوں پرافسوس کا اظہار کرتے ہوئے کہا کہ حادثہ بظاہر انسانی غفلت کا نتیجہ لگتا ہے۔ اعلیٰ ترین سطحی تحقیقات کا حکم دے دیا گیا ہے۔ انہوںنے کہاکہ میڈیا پر چلنے والے حادثے کے مناظر کافی دل خراش ہیں، دل بہت افسردہ ہے۔ شیخ رشید احمد نے کہاکہ آٹھ سے نو مسافروں کی ہلاکتوں کی اطلاعات ہیں۔ انہوںنے کہاکہ جی ایم ریلوے اور متعلقہ حکام کو حادثے کی جگہ روانہ کر دیا گیا ہے۔ انہوںنے کہاکہ ریلیف اور ریسکیو کا کام ضلعی انتظامیہ کی مدد سے جاری ہے۔ انہوںنے کہاکہ حادثے کا جائزہ لے رہا ہوں؛ ریلوے حکام کو ریلیف اور ریسکیو تیز کرنے کا حکم دیا ہے۔ دوسری جانب صدر مملکت عارف علوی، وزیراعظم عمران خان اور اپوزیشن لیڈر شہباز شریف اور پاکستان پیپلز پارٹی کے چیئر مین بلاول بھٹو زر داری نے رحیم یار خان ٹرین حادثے پر اظہار افسوس کیا۔صدر مملکت عارف علوی نے اکبر ایکسپریس ٹرین حادثے میں قیمتی جانوں کے ضیاع پر اظہار افسوس کیا، صدر نے جاں بحق افراد کے بلند درجات اور زخمیوں کی جلد صحت یابی کیلئے بھی دعا کی۔وزیراعظم عمران خان نے اپنے ٹوئٹر بیان میں ٹرین حادثے پر افسوس کا اظہار کیا اور زخمیوں کی جلد صحت یابی کے لیے دعا کی۔وزیراعظم نے زخمیوں کو بہترین طبی امداد فراہم کرنے کی ہدایت کی اور ریلوے حکام کو حکم دیا کہ کئی دہائیوں سے پرانے ریلوے انفرا اسٹرکچر کو بہتر بنایا جائے اور حفاظتی اقدامات یقینی بنانے کیلئے ہنگامی اقدامات کیے جائیں۔اپوزیشن لیڈر شہباز شریف نے حادثے میں قیمتی انسانی جانوں کے نقصان پر افسوس کا اظہار کرتے ہوئے کہا کہ ٹرینوں کے پے درپے حادثات انتہائی تشویشناک ہیں۔انہوںنے کہاکہ ناقص منصوبہ بندی اور کمزور ریلوے ٹریک حادثات کا باعث بن رہے ہیں، حادثے کے ذمہ داران کا تعین کرکے ان کے خلاف کارروائی کی جائے۔انہوں نے دعا کی کہ اللہ تعالی مرحومین کو اپنے جوار رحمت میں جگہ اور لواحقین کو صبر جمیل عطا فرمائے۔مزید قومی خبریں
-
بچوں کے قتل اورخودکشی کی کوشش میں سزا پانیوالی خاتون کا دماغی معائنہ کروانے کا حکم
-
بختاوربھٹو بھی مریم نواز کی معترف
-
لاہور پیرس ریلی ملکی ثقافت کو فروغ دینے اورپاکستان کے مثبت تشخص کو اجاگر کرنے کا بہترین موقع ہے ، رانا مشہود احمد خان
-
لاہور میں 50 مقامات پر مفت انٹرنیٹ سروس کا آغاز
-
ملک کو نوجوان نسل سے بڑی توقعات وابستہ ہیں،طالبات وخواتین مستقل مزاجی سے کام کریں گی تو قدم قدم پر کامیابی ان کا مقدر ہو گی،گورنر پنجاب
-
الیکشن کمیشن، ضمنی انتخاب میں قومی اسمبلی کے اراکین کی کامیابی کا نوٹیفکیشن جاری
-
لاہور پیرس ریلی ملکی ثقافت کو فروغ دینے اورپاکستان کے مثبت تشخص کو اجاگر کرنے کا بہترین موقع ہے ، رانا مشہود احمد خان
-
وفاقی وزیرعطا تارڑ نے اعجاز احمد حفیظ کو اپنا کوارڈینیٹر مقرر کردیا
-
9 مئی کیس، بانی پی ٹی آئی کی عبوری ضمانت کی درخواست پر وکلاء کے دلائل طلب
-
ایک ضلع کا ڈپٹی کمشنر اگر کچھ کرنا چاہے تو انقلاب آ جائے‘لاہور ہائیکورٹ
-
ملک میں امن وا مان کی صورتحال زیر بحث لانے کیلئے وزیر داخلہ کو وہ اپنے چیمبر میں مدعو کر سکتے ہیں ،سپیکر قومی اسمبلی
-
پیپلز پارٹی کے دور میں کبھی کوئی سیاسی قیدی نہیں رہا، ہم نے ہمیشہ دوستی اور ہم آہنگی کا ہاتھ بڑھایا ہے، سینیٹر شیری رحمن
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.