Live Updates

ہسپتالوں میں آکسیجن سلنڈرز کی فراہمی کا معاملہ، پنجاب حکومت کا آکسیجن گیس پلانٹ لگانے کا فیصلہ

پنجاب حکومت کا ہسپتالوں میں آکسیجن گیس کی کمی کو دور کرنے کے لیے بازار سے آکسیجن سلنڈر خریدنے کی بجائے خود پلانٹ لگانے کا فیصلہ، وزیراعلیٰ پنجاب نے منظوری دیدی

Usman Khadim Kamboh عثمان خادم کمبوہ بدھ جولائی 00:18

ہسپتالوں میں آکسیجن سلنڈرز کی فراہمی کا معاملہ، پنجاب حکومت کا آکسیجن ..
لاہور (اردوپوائنٹ اخبارتازہ ترین۔ 30 جون 2020ء) ہسپتالوں میں آکسیجن سلنڈرز کی فراہمی کا معاملہ، پنجاب حکومت کا آکسیجن گیس پلانٹ لگانے کا فیصلہ، پنجاب حکومت کا ہسپتالوں میں آکسیجن گیس کی کمی کو دور کرنے کے لیے بازار سے آکسیجن سلنڈر خریدنے کی بجائے خود پلانٹ لگانے کا فیصلہ، وزیراعلیٰ پنجاب نے منظوری دیدی ہے۔ وزیراعلیٰ پنجاب سردار عثمان بزدار نے پائلٹ پراجیکٹ کی منظوری بھی دیدی ہے،پائلٹ پراجیکٹ کے لیے لاہور، فیصل آباد، ملتان اور راولپنڈی کے نام تجویز کیے گئے ہیں۔

عثمان بزدار نے لاہور میں پائلٹ پراجیکٹ کی منظوری دیتے ہوئے سیکرٹری پرائمری ہیلتھ کو دو ہفتے کے اندر پائلٹ پراجیکٹ کا پلان پیش کرنے کی ہدایت کی ہے، آکسیجن گیس کا بڑا پلانٹ 8 کروڑ جبکہ در میانہ پلانٹ 6 کروڑ میں لگ سکتا ہے۔

(جاری ہے)

ذرائع کا کہنا ہے کہ پائلٹ پراجیکٹ کامیاب ہوا تو دیگر ڈویژنل ہیڈ کوارٹرز پر بھی پلانٹ لگانے کی منظوری دی جائے گی۔

خیال رہے کہ پنجاب حکومت سالانہ 32 کروڑ روپے مالیت کے آکسیجن سلنڈر ہسپتالوں کے لیے خریدتی ہے،کورونا وائرس کی وباء پھیلنے سے آکسیجن سلنڈر کی قیمتوں میں کئی گنا اضافہ ہو گیا ،چھوٹے سلنڈر کی قیمت 10ہزار اور بڑے کی25ہزار سے بڑھ گئی ہے ،عام دنوں میں آکسیجن کاچھوٹاسلنڈر 5 ہزار میں دستیاب تھا جو اب 10ہزار سے زائد قیمت میں فروخت ہو رہا ہے،خون میں آکسیجن کی مقدارچیک کرنے والا پلس آکسی میٹر 8سے 10ہزار روپے میں بلیک میں فروخت ہو رہا ہے۔

دوسری جانب وزیراعلیٰ پنجاب عثمان بزدار نے جنوبی پنجاب سیکرٹریٹ کے قیام کا اعلان کردیا، وزیراعلیٰ پنجاب سردارعثمان بزدار نے باضابطہ طور پر جنوبی پنجاب سیکرٹریٹ کے قیام کا اعلان کر دیا ہے۔ انہوں نے بتایا ہے کہ ملتان میں پولیس بیوروکریسی اور بہاولپور میں سول بیوروکریسی کاسیٹ اپ قائم کیا گیا ہے، ملتان میں ایڈیشنل آئی جی پولیس اور بہاولپور میں ایڈیشنل چیف سیکرٹری کی تعیناتی کا اعلان کر دیا گیا ہے۔ عثمان بزدار کی جانب سے ملتان میں ایڈیشنل آئی جی پولیس اور بہاولپور میں ایڈیشنل چیف سیکرٹری کی تعیناتی کا اعلان کر دیا گیا ہے۔
پاکستان پر کرونا کی یلغار سے متعلق تازہ ترین معلومات