مقبوضہ جموںوکشمیر: بھارتی فوجیوں نے 5اگست2019سے 411کشمیری شہید،2ہزار47زخمی کیے
زیادہ تر افراد کو محاصرے اور تلاشی کی پر تشدد کارروائیوں کے دوران جعلی مقابلوں اور زیر حراست وحشیانہ تشدد کے ذریعے شہید کیا گیا
جمعرات 5 اگست 2021 13:47
(جاری ہے)
رپورٹ میں کہا گیا کہ اس عرصے کے دوران بھارتی فورسز اہلکاروں کی طرف سے پر امن مظاپرین پر فائرنگ ، پیلٹ اور آنسو گیس کے گولوں کے استعمال کی وجہ سے 2ہزار 47کشمیری شدید زخمی ہو گئے ۔
رپورٹ میں کہا گیا کہ زیادہ تر افراد کو محاصرے اور تلاشی کی پر تشدد کارروائیوں کے دوران جعلی مقابلوں اور زیر حراست وحشیانہ تشدد کے ذریعے شہید کیا گیا ۔ رپورٹ میںکہا گیا کہ نوجوانوں کو گھروں سے گرفتار کرنے کے بعد ان پر مجاہد ہونے یا پھر مجاہدین کے ساتھ کام کرنے الزام عائد کیا گیا اور بعد ازاں انہیں شہید کیا گیا جبکہ زیادہ تر نوجوانوں پر کالاقانون پبلک سیفٹی ایکٹ ( پی ایس ای) اور غیر قانونی سرگرمیوں کی روک تھام سے متعلق کالا قانون ’’یو اے پی ے‘‘ لاگو کیا گیا۔کے ایم ایس رپورٹ میں کہا گیا کہ ان شہادتوں کے نتیجے میں 22خواتین بیوہ جبکہ 56بچے یتیم ہو ئے ہیں ۔ فوجیوں نے اس عرصے کے دوران 1ہزار 30مکانات اور دیگر عمارتین تباہ کیں، 115خواتین کی بے حرمتی کی اور مقبوضہ علاقے بھر میں محاصرے اور تلاشی کی کارروائیوں کے دوران معمر خواتین اور چھ کے لگ بھگ لڑکیوں سمیت15ہزار 5افراد گرفتار کر لیے۔ رپورٹ میں کہا گیا کہ 5اگست 2019کے بعد سے کشمیریوں کی زندگی جہنم بن چکی ہے ۔ رپورٹ میں کہا گیا کہ نریندر مودی کے 5اگست 2019کے مذموم اقدمات کا اصل مقصد مقبوضہ علاقے میں مسلمانوں کی اکثریت کو اقلیت میں بدلنا ہے۔ رپورٹ میں کہا گیا کہ اس وقت پورے مقبوضہ جموںوکشمیر کو ایک کھلی جیل میں تبدیل کر دیا گیا ہے ۔ حریت رہنمائوں ، کارکنوں ، مذہبی اور سیاسی رہنمائوں ، تاجروں ، سول سوسائٹی کے ارکان سمیت ہزاروں کشمیری اس وقت مقبوضہ علاقے اور بھارت کی جیلوں میں نظر بند ہیں ۔ ان میں سے کچھ پانچ اگست 2019سے پہلے نظر بند تھے جبکہ زیادہ تر مزکورہ اقدام کے بعد گرفتار کیے گئے۔ نظر بند رہنمائوں میں محمد یاسین ملک ، شبیر احمد شاہ، مسرت عالم بٹ ، آسیہ اندرابی ، ناہیدہ نسرین، فہمیدہ صوفی ، نعیم احمد خان، محمد ایاز اکبر ، الطاف احمد شاہ ، پیر سیف اللہ ، معراج الدین کلوال ، فاروق احمد ڈار، ڈاکٹر عبدالحمید فیاض ، فاروق احمد توحیدی، امیر حمزہ ، محمد یوسف میر ، محمد رفیق گنائی ، ڈاکٹر قاسم فکتو، ڈاکٹر محمد شفیع شریعتی ، سید شاہد یوسف،سید شکیل یوسف، بشیر احمد قریشی، حیات احمد خان، ظہور وٹالی ، انجینئر عبدالرشید ، صحافی آسف سلطان اور دیگر شامل ہیں۔بزرگ حریت ہنما سید علی گیلانی اور میر واعظ عمر فاروق سرینگر میں گھروں میں مسلسل نظر بند ہیں۔ اس عرصے کے دوران کم از کم 3ہزار 5سو افراد پر کالے قوانین پلک سیفٹی ایکٹ اور یو اے پی اے لاگو کیے گئے۔ کشمیریوں کے سیاسی اور معاشرتی حقوق سلب ہیں ۔ جمعہ اور عید کی نمازروں پر پابندی عائد ہیں۔ محرم الحرام کے جلوس نکالے کی اجازت نہیں ہے جبکہ بھارتی انتظامیہ نے مقبوضہ علاقے کی اصل صورتحال سے دنیا کو بے خبر رکھنے کیلئے علاقے میں میڈیا پر شدید قدغنیں عائد کر رکھی ہیں،صحافیوں کو ماراپیٹا جاتا ہے ، انہیں گرفتار اور ان پر کالے قانون لاگو کیے جاتے ہیں۔ مسلسل محاصرے کی وجہ سے مقبوضہ علاقے میں ہرشعبہ زندگی سخت متاثر ہو چکا ہے اور معیشت زبوں حالی کا شکار ہے۔مودی حکومت مقبوضہ علاقے میں مسلمانوں کی اکثریت کو اقلیت میں بدلنے کیلئے گزشتہ دو برس کے دوران لاکھوں غیر کشمیری بھارتی ہندوئوں کے مقبوضہ علاقے کے ڈومیسائل سرٹیفکیٹس دے چکی ہے۔ کے ایم ایس رپورٹ میں کہا گیا کہ بھارت کے اس تمام تر جبر و استبداد کے باوجود کشمیریوں کے حوصلے بلند ہیں، ان کا جذبہ آزادی ماند نہیں پڑا ہے اور وہ اپنے پیدائشی حق خود ارادیت کی تحریک کو اسکے منطقی انجام تک پہنچانے کے لیے پر عزم ہیں۔ رپورٹ میں کہا گیا کہ مودی حکومت کو یہ حقیقت تسلیم کر لینی چاہیے کہ وہ چیرہ دستوں کے ذریعے کشمیریوں کو ہرگز خاموش نہیں کراسکتی۔ رپورٹ میں عالمی برادری پرزور دیا گیا کہ وہ مقبوضہ علاقے میں وحشیانہ بھارتی اقدامات کا نوٹس لے اور مسئلہ کشمیر کے اقوام متحدہ کی قرار دادوں کے مطابق حل کیلئے بھارت پر دبائو ڈالے۔مزید کشمیر کی خبریں
-
مودی حکومت نے جموں وکشمیر پیپلزلیگ ، پیپلزفریڈم لیگ پرپابندی عائد کردی، لبریشن فرنٹ پرپابندی میں 5 برس کی توسیع
-
مظفرآباد، میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو پانچ سال قید اورایک لاکھ روپے کی سزا
-
بھدرواہ میں 3.6 شدت کے زلزلے کے جھٹکے
-
کشتواڑ میں 3.4 شدت کا زلزلہ
-
جموں و کشمیرمیں بھارتی اقدامات انسانیت کے خلاف سنگین جرائم ہیں، امریکا میں پاکستانی سفیرکا خطاب
-
پاکستان حق خود ارادیت کے حصول تک کشمیری بہن بھائیوں کی اخلاقی، سیاسی اور سفارتی مدد جاری رکھے گا، انوار الحق کاکڑ
-
کشمیری فنکاروں، شاعروں اور موسیقاروں نے مقبوضہ کشمیر میں بھارتی انسانی حقوق کی خلاف ورزیوں کو اجاگر کرنے میں اہم کردار ادا کیا ہے،مشعال ملک
-
عالم اسلام کو اسلامی تہذیب کی علامتیں مٹانے پر بھارت کا بائیکاٹ کرنا چاہیے ، مشعال ملک
-
گڑھی دوپٹہ سے ملحق علاقے لوگلی کے جنگل میں آگ بھڑک اٹھی
-
میرپورمیں پہلا سافٹ ویئرٹیکنالوجی پارک تکمیل کے آخری مرحلے میں داخل ہو گیا
-
مشعال ملک کا پروفیسر شال کے انتقال پر اظہار تعزیت
-
جنرل اسمبلی میں پاکستا ن کی پیش کردہ قرارداد کی منظوری جموں و کشمیر اور فلسطین کے مکینوں کے لئے امید کی کرن ہے،منیر اکرم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.