دیانتدار وزیراعظم کی بدولت پاکستا ن ترقی کر رہا ہے،وفاقی وزیر منصوبہ بندی و ترقی

ترقیاتی منصوبوں پر کام اس لیے ممکن ہوا کیونکہ ہماری حکومت میں کرپشن نہیں ہو رہی، جلسہ عام سے خطاب

اتوار 28 نومبر 2021 00:04

اسلام آباد(اُردو پوائنٹ اخبارتازہ ترین - این این آئی۔ 27 نومبر2021ء) وفاقی وزیر منصوبہ بندی و ترقی اسد عمر نے کہا ہے کہ دیانتدار وزیراعظم کی بدولت پاکستا ن ترقی کر رہا ہے۔ ترقیاتی منصوبوں پر کام اس لیے ممکن ہوا کیونکہ ہماری حکومت میں کرپشن نہیں ہو رہی۔گزشتہ حکومتوں کی کرپشن کی وجہ سے ا?ج پاکستان بہت پیچھے رہ گیا ہے۔ وفاقی وزیر اسد عمر نے کہا کہ عمران خان جھکا نہیں نہ ڈرا ہے۔

حکومت اپنی مدت پوری کرے گی اپوزیشن کے ساتھ کوئی وڑن نہیں یہ جتنی مرضی سازش کرلیں ان کو این آر او نہیں دینگے۔دنیابھرمیں پاکستا ن کے سبز پارسپورٹ کو عزت مل رہی ہیے۔ ان خیالات کا اظہار انہوں نے پی ڈبلیو ڈی انٹر چینج کے افتتاح کے موقع پر جلسہ عام سے ویڈیو لنک کے ذریعے خطاب کرتے ہوئے کیا۔

(جاری ہے)

جلسہ عام میں قومی اسمبلی کی قائمہ کمیٹی برائے داخلہ کے چیئرمین راجہ خرم نوازاور اسلام ا?باد کے حلقہ این اے 53 سے ایم این اے علی نواز اعوان بھی موجود تھے۔

جلسہ سے خطاب کرتے ہوئے قومی اسمبلی کی قائمہ کمیٹی برائے داخلہ کے چیئرمین راجہ خرم نواز نے جلسہ عام سے خطاب کرتے ہوئے کہا کہ اسلام ا?باد میں پانی کے مسئلے پر بھی کام جاری ہے اور بہت جلد اسلام آباد میں پانی کامسئلہ بھی حل ہو جائے گا۔ اسلام ا?باد میں پانی کی کمی کو پورا کرنے کے لیے 100 نئے ٹیوب ویل لگ رہے ہیں، جبکہ اسلام آباد کے لیے 100 ایم جی ڈی پانی کا منصوبہ 6 ماہ میں شروع ہو جائے گا۔

یکساں نصاب تعلیم پی ٹی ا?ئی کا بڑا کارنامہ ہے ،دسمبر تک صحت سہولت کارڈ دے دیئے جائیں گے۔اپوزیشن کے پاس کوئی وڑن نہیں ہے دو خاندانوں نے پاکستان کی معیشت کو بہت نقصان پہنچایا ہے۔ آئندہ سال مہنگائی پر قابو پا لیں گے۔ ہماری کامیاب پالیسیوں کی وجہ سے آج ملک ترقی کر رہا ہے۔ ایم این اے علی نواز اعوان نے جلسہ سے خطاب کرتے ہوئے کہا کہ یکساں نصاب تعلیم پی ٹی ا?ئی کا بڑا کارنامہ ہے۔ ا?ج ملک کے تمام تعلیمی اداروں میں ایک ہی نصاب پڑھایا جا رہا ہے۔ پی ٹی آئی کی حکومت اپنے تمام وعدے پورے کر رہی ہے۔ دسمبر تک صحت سہولت کارڈ دے دیئے جائیں گے صحت کارڈ سے غریب اور متوسط طبقے کے لوگ ہی مستفید ہو ں گے ۔