بھارتی چیف آف ڈیفنس اسٹاف جنرل بپن راوت کی ہلاکت پر پاکستان آرمی چیف کا رد عمل

چیف آف آرمی سٹاف جنرل قمر جاوید باجوہ اور چیئرمین جوائنٹ چیفس آف سٹاف کمیٹی جنرل ندیم رضا نے حادثے پر دکھ کا اظہار کیا ہے۔ آئی ایس پی آر

کامران حیدر اشعر بدھ 8 دسمبر 2021 18:53

بھارتی چیف آف ڈیفنس اسٹاف جنرل بپن راوت کی ہلاکت پر پاکستان آرمی چیف ..

راولپنڈی (اردو پوائنٹ اخبار تازہ ترین۔ 08 دسمبر2021ء) جنرل بپن راوت کی ہلاکت پر پاکستان آرمی چیف کا رد عمل۔ چیف آف آرمی سٹاف جنرل قمر جاوید باجوہ اور چیئرمین جوائنٹ چیفس آف سٹاف کمیٹی جنرل ندیم رضا کا حادثے پر دکھ کا اظہار۔ تفصیلات کے مطابق آج بروز بدھ بھارتی چیف آف ڈیفنس اسٹاف جنرل بپن راوت کا ہیلی کاپٹر حادثے کا شکار ہوا جس میں جنرل بپن راوت اور ان کی اہلیہ سمیت 13 افراد ہلاک ہو گئے۔

ہیلی کاپٹر میں کل 14 افراد سوار تھے جن میں 13 افراد کی ہلاکت کی تصدیق کر دی گئی ہے۔ حادثے میں ہلاک ہونے والوں میں بھارتی چیف آف ڈیفنس اسٹاف جنرل بپن راوت بھی شامل تھے جن کی ہلاکت کی بھارتی فضائیہ نے تصدیق کر دی ہے۔ بھارتی چیف آف ڈیفنس اسٹاف جنرل بپن راوت کی ہلاکت پر پاکستان آرمی کے چیف نے بھی اپنا رد عمل دیا ہے۔

(جاری ہے)

ڈی جی آئی ایس پی آر کی جانب سے جاری ایک ٹوئیٹر پیغام کے مطابق چیف آف آرمی سٹاف جنرل قمر جاوید باجوہ اور چیئرمین جوائنٹ چیفس آف سٹاف کمیٹی جنرل ندیم رضا حادثے پر دکھ کا اظہار کیا ہے۔

General Nadeem Raza, CJCSC & General Qamar Javed Bajwa, COAS express condolences on tragic death of #CDS General #BipinRawat, his wife and loss of precious lives in a helicopter crash in India
— DG ISPR (@OfficialDGISPR) December 8, 2021

آئی ایس پی آر کے مطابق چیف آف آرمی سٹاف اور چیئرمین جوائنٹ چیفس آف سٹاف کمیٹی نے ہیلی کاپٹر حادثے میں جنرل بپن راوت، ان کی اہلیہ اور دیگر افراد کی ہلاکت پر دکھ کا اظہار کیا ہے۔ واضح رہے کہ حادثے کا شکار ہیلی کاپٹر میں بپن راوت چیف آف ڈیفنس سروسز اسٹاف کالج کے دورے کے لیے روانہ ہوئے تھے جب ان کا ہیلی کاپٹر حادثے کا شکار ہوا۔

حادثے میں شدید زخمی ہونے والے گروپ کیپٹن ورن سنگھ کو اسپتال منتقل کیا گیا جہاں انہیں طبی امداد دی جا رہی ہے۔ جبکہ ہیلی کاپٹر حادثے میں ہلاک تمام افراد کی لاشیں نکال لی گئی ہیں۔ دوسری جانب ہیلی کاپٹر حادثے کی تحقیقات کا آغاز بھی کر دیا گیا ہے۔ یاد رہے کہ اب سے کچھ دیر قبل بھارتی ائیرفورس کا ہیلی کاپٹر گر کر تباہ ہوا۔ اس ہیلی کاپٹر میں بھارتی فوج کے جنرل بپن راوت بھی سوار تھے۔

بھارتی میڈیا کی رپورٹ میں بتایا گیا کہ بھارتی ریاست تامل ناڈو میں بھارتی ملٹری کا ہیلی کاپٹر گر کر تباہ ہوا۔ ہیلی کاپٹر میں بھارتی فوج کے چیف آف ڈیفنس جنرل بپن راوت سوار تھے جبکہ ان کے ہمراہ ان کی اہلیہ اور ان کا عملہ بھی ہیلی کاپٹر میں موجود تھا۔ چیف آف ڈیفنس اسٹاف جنرل بپن راوت کا ملٹری ہیلی کاپٹر ریاست تامل ناڈو میں گر کر تباہ ہوا۔

جس کے بعد ریسکیو آپریشن شروع کیا گیا اور حادثے میں ہلاک ہونے والے افراد کی لاشیں نکال لی گئیں جبکہ ایک شخص کو شدید زخمی حالت میں اسپتال منتقل کیا گیا۔ بھارتی فضائیہ نے مائیکروبلاگنگ ویب سائٹ ٹویٹر پر اپنے پیغام میں ہیلی کاپٹر حادثے کی تصدیق بھی کی تھی۔

An IAF Mi-17V5 helicopter, with CDS Gen Bipin Rawat on board, met with an accident today near Coonoor, Tamil Nadu.
An Inquiry has been ordered to ascertain the cause of the accident.
— Indian Air Force (@IAF_MCC) December 8, 2021

واضح رہے کہ جنرل بپن راوت بھارتی فوج کے سربراہ کے طور پر بھی اپنی خدمات سر انجام دیتے رہے، انہوں نے اپنی مدت ملازمت پوری کرنے کے بعد 31 دسمبر 2019ء کو ریٹائرمنٹ لی جس کے بعد مودی سرکار نے جنرل بپن راوت کو بھارت کا پہلا چیف آف ڈیفنس اسٹاف مقرر کیا تھا۔