وزیراعظم آزاد جموں وکشمیر سردار عبد القیوم نیازی عمرہ ادائیگی کے بعد وطن واپس پہنچ گئے

ہفتہ 22 جنوری 2022 13:08

اسلام آباد(اردو پوائنٹ تازہ ترین اخبار ۔ 22 جنوری 2022ء) وزیراعظم آزاد جموں وکشمیر سردار عبد القیوم نیازی عمرہ ادائیگی کے بعد وطن واپس پہنچ گئے۔وزیراعظم سردار عبد القیوم نیازی کاپرتپاک استقبال کیا گیا ، منوں پھول کی پتیاں نچھاورکی گئیں تیز بارش اور سخت سردی بھی کارکنان کو ائیر پورٹ پہنچنے سے نہ روک سکی۔وزیراعظم سردار عبد القیوم نیازی کو مبارکباد دینے کیلئے تحریک انصاف آزاد کشمیر کے ہزاروں کارکنان ائیرپورٹ پر موجود تھے،ڈپٹی اسپیکر قانون ساز اسمبلی ، وزراء حکومت ، ممبران اسمبلی ، تحریک انصاف آزاد کشمیر کے رہنما بھی ائیرپورٹ پر موجود تھے۔

وزیراعظم سردار عبد القیوم نیازی کو ڈپٹی اسپیکر چوہدری ریاض ، وزیر حکومت ملک ظفر ، معاون خصوصی حافظ حامد رضا ، معاون خصوصی محمد اقبال، پارلیمانی سیکرٹری جاوید بٹ ، تحریک انصاف کے جنرل سیکرٹری و چیئرمین معائنہ کمیشن راجہ منصور و دیگر بھی ائیرپورٹ پر موجود تھے۔

(جاری ہے)

سابق امیدوار اسمبلی سردار خطاب اعظم ، ملک یوسف ، ڈاکٹر نازیہ نیاز ، چیئرمین زکوٰۃ کونسل پیر عارف گیلانی، ڈی جی ایم ڈی اے عمران خالد ، کے ڈی اے کے چیرمین چوہدری محبوب، مظفرآباد ڈویلپمنٹ اتھارٹی کے چیئرمین اظہر گیلانی بھی موجود تھے۔

ڈی جی لبریشن سیل ارشاد محمود ، پی ڈی اے کے چیئرمین ارشد نیازی ، نیلم ڈویلپمنٹ اتھارٹی سید صداقت حسین شاہ ، ڈی جی کلچر اکیڈمی ڈاکٹر عرفان بھی موجود تھے۔سنئیر رہنما تحریک انصاف آزاد کشمیر امجد جلیل بھی موجود تھے۔کارکنان کی جانب سے ائیرپورٹ روڈ پر سفر کے دوران تیز بارش میں وزیراعظم کی گاڑی پر گل پاشی کی گئی۔اس موقع پروزیر اعظم نے کہا کہ میں نجی دورے پر حجاز مقدس حاضری اور عمرہ ادائیگی کیلئے سعودی عرب گیا تھا،سعودی حکومت نے شاہی مہمان قرار دیکر مجھے نہیں کشمیر کے عوام کو عزت دی۔

وزیراعظم سردار عبد القیوم نیازی نے کہا کہ سعودی حکومت کی جانب سے عزت و احترام پر ان کا شکر گزار ہوں،کشمیر اور فلسطین کی آزادی کیلئے دعائیں کیں، وزیراعظم پاکستان عمران خان کے ویژن کی روشنی میں آزاد کشمیر میں گڈ گورننس کے قیام کیلئے عزم کیا،وہاں پاکستانی سفیر جنرل ریٹائرڈ بلال اکبر سے ملاقات ہوئی اور کشمیر کمیونٹی کے مسائل پر گفتگو ہوئی۔

وزیراعظم سردار عبد القیوم نیازی نے کہا کہ بلال اکبر جانفشانی سے اپنے فرائض سر انجام دے رہے ہیں، وہ اوورسیز کے مسائل حل کرنے کیلئے سرگرم ہیں،آپ کا تیز بارش اور سردی میں ائیرپورٹ پر مبارکباد دینے کیلئے آنے پر مشکور ہوں، آپ کی محبت ہمیشہ یاد رہے گی ،میں وزیراعظم پاکستان عمران خان کا سپاہی بن کر عوام کی خدمت کروں گا،وزیراعظم سردار عبد القیوم نیازی کو ایک قافلے کی صورت میں ائیرپورٹ سے جموں کشمیر ہاؤس اسلام آباد لایا گیا۔