
مفاد پرستوں نے ملک تباہ کر دیا، تینوں جماعتیں اقتدار کی رسہ کشی میں مصروف، عوام کے مسائل سے لاپروا ہیں‘سراج الحق
سالہاسال حکومت میں رہنے کے باوجود جاگیرداروں، وڈیروں اور استعمار کے وفاداروں نے ملک کی بہتری کے لیے کچھ نہیں کیا‘امیر جماعت اسلامی
جمعہ 13 مئی 2022 23:10

(جاری ہے)
ملک میں غیر یقینی صورت حال کی وجہ سے سرمایہ کاری رک گئی۔
معیشت میں بہتری لانے کے لیے اسلامی ماڈل اپنانا ہو گا۔ حکومت مہنگائی کم کرے۔ آئی ایم ایف کے کہنے پر بجلی اور پٹرول کی قیمتیں بڑھائی گئیں تو ملک گیر احتجاج کریں گے۔ملک میں انگریزوں کا دیا گیا نظام چل رہا ہے۔ 75برس گزر گئے، پاکستان کو اسلامی نظام نہیں ملا۔ ملک کی بنیاد کلمہ طیبہ پرہوئی، سازش کے ذریعے قوم کو اسلامی نظام سے محروم رکھا گیا۔ جماعت اسلامی قوم کو باور کرانا چاہتی ہے کہ آزمائے ہوئے چہروں پر مزید اعتماد نہ کرے۔ مافیاز کو حکومتوں میں لانے سے مسائل حل نہیں ہوں گے۔ ملک کے مسائل کو حل کرنے کے لیے قرآن و سنت کا نظام لانا ہو گا۔ جماعت اسلامی کی جدوجہد کا مقصد ملک کو اسلام کا گہوارہ بنانا ہے، قوم اعتماد کرے۔ ان خیالات کا اظہار انھوں نے جامع مسجد منصورہ میں خطبہ جمعہ اور فاضلین مدارس دینیہ کے اجتماع سے خطاب کرتے ہوئے کیا۔ امیر جماعت نے کہا کہ ملک کی 40فیصد سے زائد آباددی غربت کی لکیر سے نیچے زندگی گزار رہی ہے۔ ملک میں 45لاکھ یتیم ہیں۔ پاکستان میں 54لاکھ افراد معذور ہیں جن کی بڑی تعداد سڑکوں پر بھیک مانگنے پر مجبور ہے۔ حکومتوں نے یتیم، بے سہارا اور معذور افراد کے لیے کچھ نہیں کیا۔ الخدمت فائونڈیشن محدود وسائل کے باوجود 20ہزار یتیموں کی کفالت کر رہی ہے۔ جماعت اسلامی کو حکومت میں آنے کا موقع ملا، تو یتیموں اور بے سہارا افراد کی بحالی کے اقدامات کریں گے۔ ملک بھر میں یونیورسٹیاں اور ہسپتال تعمیر کیے جائیں گے۔ لوگوں کو صحت کی سہولت فراہم کریں گے۔ معیشت کو زکوٰة و عُشر پر استوار کریں گے۔ دیہی علاقوں کی بحالی کا پروگرام متعارف کرایا جائے گا۔سراج الحق نے کہا کہ پانی کی شدید قلت کی وجہ سے خریف کی فصلیں تباہ ہو گئیں، کسانوں کا براحال ہے۔ گندم کی پیداوار میں کمی ہوئی ہے جس سے بحران کا خطرہ ہے، کپاس کی پیداوار بھی متاثر ہو سکتی ہے۔ ملک پر حکمرانی کرنے والی جماعتوں نے پانی کے مسئلے پر توجہ نہیں دی۔ بھارت پاکستان کا پانی چوری کرتا ہے، مگر ہماری حکومت نئی دلی سے روابط قائم کرنے کے لیے بے چین ہے۔ انھوں نے کہا کہ قوم ایماندار اور اہل قیادت کو ووٹ دے۔ الیکشن متناسب نمائندگی کے اصولوں کے تحت ہونے چاہییں۔ انتخابات میں دولت کے بے جا استعمال پر پابندی لگائی جائے۔ الیکشن کمیشن کو مالی و انتظامی لحاظ سے خود مختار دیکھنا چاہتے ہیں۔ جماعت اسلامی آئین و قانون کی بالادستی اور اسلامی جمہوری معاشرہ کی تشکیل چاہتی ہے۔مزید اہم خبریں
-
نامور پاکستانی کوہ پیما علی رضا سدپارہ انتقال کر گئے، اہلخانہ
-
"مہنگا پیٹرول برداشت نہ کرنیوالوں کیلئے وزیر اعظم آج ریلیف کا اعلان کریں گے"
-
روس نے ہم سے سستا تیل دینے کا وعدہ کیا تھا
-
پٹرولیم مصنوعات کی قیمتوں میں اضافے کے اعلان کے بعد عوام رل گئے
-
کراچی میں 5 اسٹار ہوٹل کی چھت کا حصہ گر گیا
-
راولپنڈی ، اسلا م آباد اور پنجاب سے زیادہ تعداد میں کارکنوں کو نہ لانے پر عمران خان پی ٹی آئی اراکین برہم
-
عمران خان اسلام آباد سے واپس پشاور پہنچ گئے
-
آئی ایم ایف فیول سبسڈی ختم کرنے پر پاکستان کو 90 کروڑ ڈالر جاری کریگا
-
جعلی حکمران چند دن کے مہمان ہیں ان کو اپنے غیر آئینی و غیر قانونی اقدامات کا جواب دینا ہو گا: چودھری پرویزالٰہی
-
بیرونی آقاوں کے سامنے جھکنے والوں نے پٹرول 30 روپے مہنگا کر دیا
-
پاکستان کشمیریوں کی اخلاقی، سفارتی اور سیاسی حمایت جاری رکھے گا، یاسین ملک کو دی گئی
-
مسلح افواج کی دفاع وطن کیلئے قربانیوں کو زبردست خراج تحسین، دور حاضر میں مشترکہ فوجی آپریشنز کامیابی کی ضمانت ہیں، سرسربراہ پاک بحریہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2022, UrduPoint Network
All rights of the publication are reserved by UrduPoint.com. Reproduction without proper consent is not allowed.