دہشت گردی کا ناسور دوبارہ سر اٹھا رہا ہے،وزیراعظم

اسلام آباد (اُردو پوائنٹ،اخبارتازہ ترین ۔ 01 فروری 2023ء) وزیراعظم شہباز شریف کا کہنا ہے کہ دہشت گردی کا ناسور دوبارہ سر اٹھا رہا ہے،عوام پوچھ رہے ہیں کہ دہشت گردوں کو واپس کون لیکر آیا؟کس نے کہا تھا کہ یہ پاکستان کے دوست ہیں؟ یہ چھبتے ہوئے سوال قوم آج پوچھ رہی ہے،فوری اقدامات نہ کئے گئے تو دہشت گردی پورے ملک میں پھیل جائے گی۔ تفصیلات کے مطابق وزیراعظم نے کابینہ اجلاس کے بعد میڈیا سے گفتگو کرتے ہوئے کہا ہے کہ پشاور دھماکہ افسوسناک ہے،تاریخ خیبر پختونخوا کی ماؤں،بہنوں اور بیٹوں کی قربانیوں کو فراموش نہیں کرے گی،خیبر پختونخوا پیارا صوبہ ہے۔

تحریک انصاف نے خیبر پختو نخوا میں 10 سال گزارے ہیں پھر کہتے ہیں کہ وسائل نہیں،کہتے ہیں وفاق سے پیسے نہیں مل رہے،وفاق سے کے پی کو سالانہ 40 ارب مل رہے ہیں۔

(جاری ہے)

نیکٹا اور سی ٹی ڈی بنی صوبے میں کام ہوا پھر بھی شکوے کرنا مناسب نہیں،یہ کہنا ہے کہ فنڈز نہیں اس سے بڑی حقائق مسخ کرنے کی مثال نہیں ملتی۔ شہباز شریف کا کہنا تھا کہ این ایف سی ایوارڈ کے تحت ادائیگی بھی کی گئی،این ایف سی ایوارڈز کی مد میں خیبرپختونخوا کو 417 ارب روپے ادا کیے جا چکے ہیں،صوبوں،وفاق کا حصہ تقسیم سے پہلے ایک فیصد تھا،خیبرپختونخوا کو 417 ارب روپے دیئے گئے یہ پیسہ کدھر گیا؟بہتان بازی نہیں کررہا،2010 سے اب تک دہشت گردی سے نمٹنے کے لیے رقم دی گئی،ہمارے پاس وسائل تھے تو ہم نے سی ٹی ڈی قائم کی۔

انہوں نے کہا کہ خیبر پختونخوا دہشت گردی کے خلاف فرنٹ لائن اسٹیٹ ہے،خیبرپختونخوا کو جتنے ملے وہ اور کسی صوبے کونہیں ملے،ایوان کو حقائق بتانا اصل مقصد ہے،دو آپریشنز میں دہشت گردوں پر کاری ضرب لگی،دہشت گردی کے نتیجے میں بے نظیر بھٹو شہید ہوئیں۔ وزیراعظم کا مزید کہنا تھا کہ میرے منہ میں خاک،تاریخ میں ہمارا نام لینے والا کوئی نہیں ہو گا،آ ج سوال یہ ہے کہ دہشت گردوں کو دوبارہ کون لیکر آیا؟ہم نے مناسب اقدامات نہ کیے تو دہشت گردی پورے پاکستان میں پھیل جائے گی،دہشت گردوں کیخلاف قوم اور ادارے متحد ہیں۔