’آئندہ 72 گھنٹوں میں الیکشن کا فیصلہ ہوجائے گا‘ شیخ رشید احمد کا دعویٰ

اسحاق ڈار 3ماہ تک مذکرات مکمل نہ کرا سکے، ڈالر 200 کا کروانے آئے تھے 300 کا کردیا، سعودی عرب اور چین نے بھی جھنڈی کرادی ہے۔ سربراہ عوامی مسلم لیگ کا بیان

ساجد علی اتوار 19 مارچ 2023 12:09

’آئندہ 72 گھنٹوں میں الیکشن کا فیصلہ ہوجائے گا‘ شیخ رشید احمد کا دعویٰ

راولپنڈی ( اُردو پوائنٹ اخبارتازہ ترین ۔ 19 مارچ 2023ء ) عوامی مسلم لیگ کے سربراہ شیخ رشید احمد نے دعویٰ کیا ہے کہ آئندہ 72 گھنٹوں میں الیکشن کا فیصلہ ہوجائے گا، شکر ہے زمان پارک سے کلانشکوف نکلی توپ نہیں نکلی، کل فائل زمین کھا گئی یا آسمان نگل گیا یہ وقت ہی بتائے گا۔ تفصیلات کے مطابق سماجی رابطوں کی ویب سائٹ ٹوئٹر پر اپنے ایک بیان میں انہوں نے کہا کہ سعودی عرب اور چین نے جھنڈی کرادی ہے دونوں پاکستان سے اکنامک رفام کی ڈیمانڈ کر رہے ہیں، اسحاق ڈار 3ماہ تک مذکرات مکمل نہ کرا سکے، ڈالر 200 کا کروانے آئے تھے 300 کا کردیا، مئی تک ٹھنڈی چھاؤں میں بیٹھیں اب آئی ایم ایف اجلاس مارچ کی بجائے اپریل تک موخر ہوگیا ہے، جہاں انفرادی ووٹنگ امریکہ کے پاس ہےجس کا پاکستان پر شدید دباؤ ہے، کسی کو احساس نہیں کہ غریب ایڑیاں رگڑ رگڑ کر مر رہا ہے۔

(جاری ہے)

شکرہےزمان پارک سےکلانشکوف نکلی توپ نہیں نکلی کسی کواحساس نہیں کہ غریب ایڑیاں رگڑرگڑکرمررہاہےکل مری میں سیشن جج عارف نسیم نےحکومت کی میری گرفتاری ضمانت منسوخی کوخارج کردیاآئندہ72گھنٹوں میں الیکشن کافیصلہ ہوجائےگاپھرالیکشن کمیشن جانےاورسپریم کورٹ جانےعمران کوطاقت سےنہیں نکالاجاسکتا
— Sheikh Rashid Ahmed (@ShkhRasheed) March 19, 2023

سابق وزیر داخلہ نے کہا کہ ن لیگ اور پیپلزپارٹی کی قیادت اپنے کرپشن کے کیس 30 اپریل تک ختم کرالیں ورنہ اصلی اور حقیقی جیل جانا پڑے گا، 90دن میں نگران حکومت ختم ہوجائےگی، 13 کے ٹولے کے پاس صوبوں میں کاغذات جمع کرانے کے ممبر بھی نہیں ہیں، نوازشریف کا انتظار کرتے کرتے لوگ تھک جائیں گے۔ انہوں نے کہا کہ آئندہ 72 گھنٹوں میں الیکشن کا فیصلہ ہوجائے گا، پھر الیکشن کمیشن جانے اور سپریم کورٹ جانے، عمران خان کو طاقت سے نہیں نکالا جاسکتا، کل مری میں سیشن جج عارف نسیم نے حکومت کی میری گرفتاری ضمانت منسوخی کی درخواست کو خارج کردیا۔

قبل ازیں عوامی مسلم لیگ کے سربراہ نے کہا کہ عمران خان کی جان کو نقصان ہوا تو حکمرانوں کو بھاری قیمت ادا کرنی ہوگی، سارا ملک جام ہوچکا ہے لوگ سڑکوں پر ہیں، سپریم کورٹ کے الیکشن کا فیصلہ آخری ہے ورنہ دمادم مست قلندر ہوگا، وقت تھوڑا اور مقابلہ سخت ہے۔