قوم دیانتدار او ر اہل قیادت کا ساتھ دے ملک و قوم کی تقدیر بدل دیں گی: ضیاء الدین انصاری

ق*لاہور (اُردو پوائنٹ اخبارتازہ ترین - آن لائن۔ 27 اگست2023ء) امیر جماعت اسلامی لاہور ضیاء الدین انصاری ایڈوکیٹ، سیکرٹری جنرل جماعت اسلامی لاہور خالد احمد بٹ، ملک شاہد اسلم نے جماعت اسلامی کے 82 ویں یوم تاسیس کی تقریب سے خطاب کرتے ہوئے کہا کہ قوم جماعت اسلامی کی دیانتدار او ر اہل قیادت کا ساتھ دے ملک و قوم کی تقدیر بدل دیں گے۔جماعت اسلامی کی 82 سالہ تاریخ گواہ ہے کہ ہماری قیادت اور کارکنان روز اؤل سے آج تک ملک و قوم کی خدمت میں مصروف ہے۔

جماعت اسلامی ہر مشکل وقت میں عوامی خدمت کیلئے صف اول کا کردار ادا کرتی ہے۔زلزلہ ،سیلاب ہو یاکرونا وبا سمیت ہر قسم کی ناگہانی آفات میں جماعت اسلامی نے ہراؤل دستے کا کردار ادا کیا۔ قوم کو بتانا چاہتے ہیں کہ اقتدار کے بنا وسیع پیمانے پر خدمت خلق کے کام کو سرانجام دینیٍ والے اقتدار میں آکر ملک و قوم کی تقدیر بدل دیں گے۔

(جاری ہے)

حکمرانوں کی نااہلی اور عوام دشمن پالیسیوں نے مہنگائی کی چکی میں پسی عوام کو خدکشیاں کرنے پر مجبور کیا ہے۔

لوگوں کے پاس دو وقت کی روٹی کیلئے وسائل کم پڑنے لگے ہیں،مہنگی ترین بجلی کے بلوں کے ہاتھوں لوگ خدکشیاں کررہے ہیں اور خون کے آنسو ں رونے پر مجبور ہیں۔ تمام سیاسی پارٹیوں اور سیاستدانوں نے پوری قوم کو مایوس کیا ہے۔قائدین نے مزید کہا کہ ضرورت اس امر کی ہے کہ ہمیں قومیت اور مذہب کے نام پر ووٹ دینے کی بجائے ایک مخلص قیادت کو منتخب کرنا ہوگا۔

جماعت اسلامی واحد سیاسی جماعت ہے جس کے کسی بھی نمائند پر کسی قسم کی کرپشن کرنے کا الزام تک نہیں ہے، جماعت اسلامی کسی بھی قسم کے مذہبی، لسانی اور قومی یا سیاسی اختلاف کے بغیر بلا امتیاز غریب عوام کی خدمت میں مصروف العمل ہے۔ عوام سے اپیل ہے کہ جماعت اسلامی کا ساتھ دے کر ملک کی بھاگ ڈور ایک غیر جانبدار اور مخلص قیادت کے سپرد کرنے میں ہماری مدد کریں۔

ملک و قوم نے اگر ہمارا ساتھ دیا تو قرآن و سنت کے بابرکت نظام سے ملک و قوم کی تقدیر بدل دیں گے۔ اس موقع پر امیر لاہور ضیاء الدین انصاری ایڈوکیٹ نے کارکنان مردوخواتین سے مخاطب ہو کر کہا کہ جیتنے بھی اس معاشرے میں دائرے ہیں چاہیے وہ تہذیب و تمدن ہو، تعلیم و تربیت ہو یا فکر و عمل کا دائرہ ہو کسی طور ہم نے پیچھے نہیں رہنا اور اپنی آواز کو بلند کرنا ہے،ان ساری مشکلات میں ہم عوام کے شانہ بشانہ کھڑے ہیں۔

ہم نے الیکشن بھی لڑنا ہے، سیاست بھی کرنی ہے، لیکن ایک بات ہمارے دل ودماغ میں ضرور ہونی چاہیے کہ بانی جماعت اسلامی مرشد مولانا ابو الاعلی مودودی نے اس تحریک کو رجوع الی اللہ کیلئے کھڑا کیا تھا ہمیں جو فکر مرشد نے دی ہے وہ یہ فکر ہے کہ ہم اپنے آپ کو لوگوں کی غلامی سے نکال کر اللہ کی بندگی میں دے دیں اور لوگوں کو اس بات پر آمادہ کریں اور وہ بھی لوگوں کی غلامی کو چھوڑ کر اللہ رب العزت کی غلامی میں زندگی گزارنے کے مقصد کو اولین ترجیح بنا لیں اور غلبہ دین کی جدوجہد میں ہمارا ساتھ دیں۔

انہوں نے کہا کہ اللہ رب العزت نے انسانوں اور جنوں کسی مقصد کیلئے پیدا نہیں کیا سوائے عبادت کرنے کے اور عبادات مساجد میں نمازیں ادا کرنے سے ، روزے، حج،زکات ادا کرنے سے ادا نہیں ہوگی بلکہ اس بگڑے ہوئے معاشرے کی اصلاح کیلئے جدوجہد بھی کرنی ہوگی، اللہ کے دین کی سربلندی کیلئے نظام مصطفیﷺ کے نفاذ کیلئے بھی اپنی توانائیاں کو صحابہ اکرام کے جذبے سے بروائے کار لانا ہوگاتاکہ روز قیامت ہم اللہ کے حضور سرخروخ ہوسکیں۔

قائدین نے مزید کہا کہ جماعت اسلامی کی لیڈرشپ اور کارکنان کو اپنے کردار کے ذریعے عوام کی توجہ ہماری طرف کرنی ہے، لوگوں کو بتا نا ہے کہ صرف جماعت اسلامی ہی ملک و قوم کے مسائل کا واحد حل ہے۔ ہماری اصل جمہوریت کے علمبردار ہیں جن کی پارٹی ملک میں حقیقی جمہوریت کی اپنی مثال آپ ہے۔ یوم تاسیس کی تقریب میں امیر جماعت اسلامی پاکستان سراج الحق، سیکرٹری جنرل جماعت اسلامی پاکستان امیر العظیم، نائب امیر جماعت اسلامی پاکستان حافظ محمد ادریس نے بھی خطاب کیا۔ اس موقع پر جماعت اسلامی کی مرکزی، صوبائی اور ضلعی قیادت سمیت بڑی تعداد میں مردوخواتین نے شرکت کی۔